АБНА24 Хәбәр Верир , рәсми ачыгламада дејилир ки, ҝөрүшдә Азәрбајҹан илә Исраил арасында бу ил дипломатик әлагәләрин гурулмасынын 30 иллијинин гејд едилдији вурғуланыб, сон дөврләрдә гаршылыглы сәфәрләрин интенсивлијинин вә динамикасынын артмасы, һәмчинин Исраилдә Азәрбајҹан тиҹарәт нүмајәндәлијинин фәалијјәт ҝөстәрмәси вә Туризм Мәркәзинин ачылмасы мүсбәт амил кими гијмәтләндирилиб.
Сөһбәт заманы игтисади-тиҹарәт әлагәләринин ҝенишләндирилмәси вә енержи саһәсиндә әмәкдашлыг мәсәләләри мүзакирә олунуб.
Исраил мәтбуаты исә јазыр ки, Либерман Бакыда оларкән бөјүк һәҹмдә Азәрбајҹан нефтинин Исраилә идхалыны мүзакирә едәҹәкдир.
Хатырладаг ки, һазырда ишғалчы режимин нефтә олан тәләбатынылн 40 фаизи Азәрбајҹан тәрәфиндән тәмин олунур.
Исраил тәрәфи һәмчинин буғда идхалы мәсәләсини дә мүзакирә етмәји ҝөзләјир.
Кив-ләрин јаздығына ҝөрә, сөһбәт “ән гыса мүддәтдә” һәјата кечирилмәјә башланаҹаг “милјардларла долларлыг” мүгавиләләрдән ҝедир.
Исраилин мүхтәлиф адлар алтында Азәрбајҹан Республикасында өз нүфуз даирәсини ҝенишләндирмәси Иран Ислам Республикасында һәссаслыгла изләнилир. Теһранда һесаб едирләр ки, сионист ширкәтләрин Иранла сәрһәд бөлҝәләрдә фәалијјәти тәһлүкәлидир вә рәсми Бакы Исраил режиминин мүмкүн планларыны вә Азәрбајҹан Республикасыны өз пласдармына чевирмәјә ҹан атмасыны диггәтдән кәнарда сахламамалыдыр. Чүнки бу режим Азәрбајҹан-Иран мүнасибәтләрини позмағы гаршыја мәгсәд гојубдур.
Јери ҝәлмишкән билдирәк ки, Исраилин Азәрбајҹанда һәддән артыг фәаллашмасы өлкә иҹтимаијјәтини дә нараһат едир вә чохлары бу режимин Пегасус ҹасус програмы васитәсилә вәтәндашлардан ҹасуслуг етмәси фактынын ашкарландығыны нәзәрә алараг онунла әлагәләри инкишаф етдирмәјин зијанлы олдуғуну дүшүнүр.
342/
27 aprel 2022 - 10:46
Xəbər kodu: 1252232
Азәрбајҹан Республикасынын президенти Илһам Әлијев сионист режимин малијјә назири Авигдор Либерманы гәбул едиб.
