АБНА24 Хәбәр Верир , Түркијә апрелин 18-дә Метина, Ираг Күрдүстаны сәрһәдләри дахилиндә Метина, Зап вә Авашин-Басјан бөлҝәләриндә ПКК-ја гаршы "Пәнҹә-Килид" адлы әмәлијјатын башландығыны ачыглајыб. Бағдад Түркијәнин һәрби әмәлијјатыны гынајыб вә ону Ирагын суверенлијинин позулмасы вә милли тәһлүкәсизлијинә тәһдид кими гијмәтләндириб.
Бу арада Түркијәнин милли мүдафиә назири Ирагын шималында "Пәнҹә-Килид" әмәлијјатынын биринҹи мәрһәләсинин сона чатдығыны билдириб, лакин дырнагарасы сон террорчу зәрәрсизләшдириләнә гәдәр Түркијәнин һәрби әмәлијјатларынын давам едәҹәјини вурғулајыб.
Анадолу хәбәр аҝентлијинин мәлуматына ҝөрә, Рәҹәб Тајјиб Әрдоған иддиасынын давамында Түркијәнин тәһлүкәсизлијинин сәрһәдләри хариҹиндә башладығы анлајышы илә һәјата кечирдикләри әмәлијјатларын давам едәҹәјини билдириб.
Түркијә президенти јалныз 2022-ҹи илдә өлкәнин ҹәнуб сәрһәдләриндә сон әмәлијјатларда дахил олмагла зәрәрсизләшдирилән террорчуларын сајынын 1000-ә чатдығыны билдириб вә әмәлијјатын мәгсәдинин Заб бөлҝәсини террорчу үнсүрләрдән тамамилә тәмизләмәк олдуғуну иддиа едиб.
Релјефи вә һава шәраитинин чәтин олдуғу үчүн бу бөлҝәнин илләрдир террор тәшкилаты тәрәфиндән "әлчатмаз" олараг, характеризә едилдијини билдирән Әрдоған иддиа едиб ки, Түркијә тәрәфиндән һәјата кечирилән һәр бир әмәлијјат кими, сон әмәлијјат да Бирләшмиш Милләтләр Тәшкилатынын конвенсијасындан тутмуш гоншулары илә бағладыглары икитәрәфли мүгавиләләрә гәдәр тамамилә бејнәлхалг һүгуг нормаларына ујғун олараг һәјата кечирилир.
Түркијә бу јахынларда Ирагын шималында ПКК үнсүрләринә гаршы "Пәнҹәк-Килиди" адланан әмәлијјата башлајыб вә бу әмәлијјат Бағдад рәсмиләри вә сијасәтчиләринин кәскин реаксијасы илә гаршыланыб.
342/
27 aprel 2022 - 10:44
Xəbər kodu: 1252226
Түркијә президенти бу өлкәнин силаһлы гүввәләринин Ирагын шималында Түркијәнин Күрдүстан Фәһлә Партијасы ПКК-нын үзвләринә гаршы һәјата кечирдији “Пәнҹә-килид” әмәлијјатынын бејнәлхалг һүгуг нормаларына там ујғун олдуғуну иддиа едиб.
