АБНА24 Хәбәр Верир , Кременнаја шәһәри әлә кечирилиб вә Русија гүввәләринин шималдан вә шәргдән Славјанск вә Краматорск шәһәрләринә доғру ирәлиләмәјә ҹәһд етдији бир вахтда Изјумун ҹәнубунда шиддәтли дөјүшләр ҝедир.
Бундан башга, гејд олунуб ки, Украјна гүввәләри Русијанын ҹәнубдан мүмкүн һүҹумунун гаршысыны алмаг үчүн Запорожједә мүдафиәјә һазырлашыр.
Бу арада Кијев иддиа едир ки, Украјна һәрбчиләри Херсон вилајәтиндә Русијанын 70 ҹанлы гүввәсини вә сурсат анбарыны мәһв едиб.
Бу барәдә Украјна Баш Гәрарҝаһы мәлумат јајыб.
Өз нөвбәсиндә Украјна президенти Владимир Зеленски дејиб ки, Русија Украјнаја гаршы мүһарибәдә һеч нәјә наил олмајаҹаг.
Зеленски вурғулајыб: “Ики ајда бизә гаршы мин јүздән чох ракет истифадә етдиләр. Сајсыз-һесабсыз бомбалар, артиллерија... Ишҝәнҹә вердиләр, гарәт етдиләр, ҝүлләләдиләр. Торпағымызы миналајыблар. Динҹ шәһәрләри, кәндләри ҹәһәннәмә чевирдиләр. Украјна шәһәрләринин вә иҹмаларынын бир һиссәси дағыдылды. Амма һеч нә әлдә олунмајыб. Вә әлдә олунмајаҹаг”.
Зеленски Русијанын Украјна торпагларында нөвбәти гондарма референдум кечирмәк истәјинә дә мүнасибәт билдириб: “Русија торпағымызда һардаса сахта “референдум” ојуну ојнамаг истәјир. Онлар ҹәһд етсәләр белә, бу, Москвада Украјнанын ишғалы үчүн јарадылан һәр шеј кими биабырчы олаҹаг”.
Гејд едәк ки, Русијанын Херсонда даһа бир гондарма республика јаратмаг үчүн јахын ҝүнләрдә "референдум" кечирәҹәји һагда информасијалар јајылыб.
2014-ҹү илдә Русија Крымы референдум васитәсилә Украјнадан ајырды, лакин бејнәлхалг бирлик тәрәфиндән бу илһаг планы танынмамышдыр.
342/
27 aprel 2022 - 10:37
Xəbər kodu: 1252217
Русија ордусу Украјна ордусунун өлкәнин шәргиндә мөһкәмләнмиш мөвгеләрини мүһасирәјә алмаға чалышыр.
