АБНА24 Хәбәр Верир , Украјна Баш Гәрарҝаһы билдирир ки, Донетск вә Таврија истигамәтләриндә Русија ордусу бүтүн тәмас хәтти бојунҹа минаатанлардан, топ артиллеријасындан вә реактив јајлым атәши системләриндән истифадә етмәклә Украјна гошунларынын мөвгеләринә атәш зәрбәләри ендирир.
Мәлуматда гејд олунур ки, дүшмән Донбасда ҹидди һүҹума кечә вә ағыр техникадан истифадә едә биләр.
Украјнанын Һәрби-Сијаси Арашдырмалар Мәркәзинин рәһбәри Александр Мусиенко исә дејиб ки, вәзијјәт даһа да писләшә вә ишғалчылар һүҹумларын сајыны артыра биләр:
“Дүшүнүрәм ки, јахын ҝүнләрдә Русија һәгигәтән дә танклардан әл чәкмәдији вә иримигјаслы артиллерија атәшини артырмаға чалышдығы заман биз даһа тәһдидедиҹи вәзијјәт ҝөрә биләрик. Вәзијјәт бир аз да ҝәрҝинләшә биләр. Амма үмумиликдә демәк олар ки, шәргдә вә ҹәнубда мүдафиәмиз чох јахшы гурулуб. Мүдафиәнин јарылмасына имкан вермирик. Бундан әлавә, һесаб едирәм ки, Украјна Силаһлы Гүввәләри әкс-һүҹумлара кечид үчүн јахшы имканлар јарадыр”, дејә Мусиенко билдириб.
Ҹәбһәнин диҝәр истигамәтләриндә дә фәаллыг мүшаһидә олунур.
Дахил олан сон мәлуматлара әсасән, Русија Белгородда Харков истигамәтиндә әлавә гүввәләр топлајыр.
Билдирилир ки, “Искәндәр-М” оператив тактити ракет комплексләринин бурахылыш гурғулары Украјнанын дөвләт сәрһәдиндән 60 км аралыда јерләшдирилиб.
Украјна мүһарибәси илә бағлы фәргли сијаси мөвгеләр дә давам етмәкдәдир.
Алманијанын сабиг канслери Ҝерһард Шрөдер дејиб ки, Алманија сәнајесинин Русијанын надир хаммал вә енержи ресурсларына еһтијаҹы сәбәбиндән Москва узунмүддәтли перспективдә тәҹрид олуна билмәз.
О әлавә едиб: "Русија кими бир өлкәни узунмүддәтли перспективдә нә сијаси, нә дә игтисади ҹәһәтдән тәҹрид едә билмәзсиниз. Сөһбәт тәкҹә нефт вә газдан дејил, һәм дә надир торпаг елементләриндән ҝедир. Вә бунлар садәҹә олараг әвәз едилә билмәјән хаммаллардыр".
342/
25 aprel 2022 - 17:01
Xəbər kodu: 1251652
Украјнанын шәрг бөлҝәләриндә русларын һүҹумлары ҝүҹләниб, ағыр дөјүшләр ҝедир.
