АБНА24 Хәбәр Верир , Иран вә Суријанын хариҹи ишләр назирләри Һүсејн Әмир-Абдуллаһиан илә Фејсәл Мигдадын телефон сөһбәтиндә Иранын хариҹи ишләр назири әмәкдашлыгларын мүхтәлиф сәвијјәләрдә давам етмәси вә ики өлкәнин әлагәләрин инкишафына хүсуси ҹидди-ҹәһд ҝөстәрмәләриндән разылыг едиб.
Әмир-Абдуллаһиан хүсусән өзәл секторда игтисади мүнасибәтләрә тәкан верилмәси мәгсәдилә бирҝә комиссијанын иҹласынын кечирилмәсини алгышлајыб.
Сионист режим тәрәфиндән Мәсҹидүләгсанын мүгәддәс мәканына гаршы һөрмәтсизлијин едилмәсини кәскин тәрздә писләјән Иранын хариҹи ишләр назири гејд едиб ки; биз һәр ҝүн сионистләрин Мәсҹидүләгсадакы ҹинајәтләринин шаһидијик.
Иранын дипломатија апаратынын башчысы Үмумдүнја Гүдс Ҝүнү әрәфәсиндә сионистләрин тәҹавүзләринин писләнилмәси, һәмчинин Фәләстинин вә Гүдси-Шәрифин мүдафиәси истигамәтиндә Ислам Дүнјасынын һөкумәт вә парламентләри, һабелә мүсәлман халглар тәрәфиндән ҝүҹлү вә мөһкәм месажлар вериләҹәјинә үмидварлыг едиб.
Иран Ислам Республикасынын хариҹи ишләр назири бу телефон данышығынын диҝәр бир һиссәсиндә нүвә мүзакирәләри просесинә дә тохунуб: Авропа Бирлији васитәсилә бизимлә америкалылар арасында месажлар мүбадиләси һәјата кечирилмәкдәдир вә бу јолда дәфәләрлә вурғуламышыг ки, Иран Ислам Республикасы нә чохтәләбликләрә мәһәл гојаҹаг, нә дә ки, өз гырмызы хәттиндән ҝери чәкилмәјә һазыр олаҹаг.
О, әлавә едиб: Дипломатија јолу јахшы ишләјир вә јахшы вә дајаныглы бир анлашмаја наил олмагдан узаглашмамышыг.
Суријанын хариҹи ишләр назири Фејсәл Мигдад да ики тәрәфин јүксәк сәвијјәли әлагәләриндән разылыг ифадә едиб,/ рәсми Дәмәшгин әмәкдашлыглары ҝенишләндирмәк үчүн бирҝә комиссијанын иҹласынын тез бир заманда кечирилмәсинә һазыр олдуғуну билдириб.
Сионистләрин ҹинајәтләри вә Мәсҹидүләгсаја гаршы һөрмәтсизликләрини кәскин тәрздә писләјән Суријанын хариҹи ишләр назири Ислам Ингилабынын Бөјүк Рәһбәри, Иран Ислам Республикасынын дөвләти вә халгынын Фәләстин мүгавимәтини һимајә истигамәтиндәки принсипиал мөвгеләри вә ролларына ҝөрә тәшәккүр едиб.
342/
23 aprel 2022 - 18:20
Xəbər kodu: 1250920
Иран Ислам Республикасынын хариҹи ишләр назири билдириб ки, дипломатија јолу јахшы ишләјир вә јахшы вә дајаныглы бир анлашмаја наил олмагдан узаглашмамышыг.
