АБНА24 Хәбәр Верир , Јүзләрлә етиразчы дүнән Исвечдә исламофоб һәрәкәтләрә вә «сәрт хәтт» адлы исламофоб вә сағ тәмајүллү һәрәкатын сәдри Расмус Палуданын Норчөпинг шәһәриндә Гурани-Кәримә һөрмәтсизлик үзрә һәрәкәтинә гаршы аксија кечириб. Аксијачылар полис зоракылығы илә гаршылашыблар.
Мәлуматлара ҝөрә, полис, һиддәтләнмиш етиразчылары дағытмаг үчүн һаваја атәш ачыб вә ондан ирәли ҝәлән рәфтарлар нәтиҹәсиндә азы үч нәфәр јараланыб.
Полис иддиа едиб ки, етиразчылар полис машынларыны даша басмаг вә автомобилләри јандырмагла полисин ҝөстәришләриини јеринә јетирмәкдән бојун гачырыблар.
Линчөпинг вә Норчөпинг шәһәрләриндән әлавә, өтән үч ҝүн әрзиндә Исвечин пајтахты Стокһолм, Еребру, Лендскорона вә Малмө шәһәрләриндә дә исламофоб гүввәләрин бу һәрәкәтинә гаршы етираз аксијалары кечирилиб.
Сон бир нечә ҝүн әрзиндә Исвечдә баш верән һадисәләрин ардынҹа Иран Ислам Республикасынын Хариҹи Ишләр Назирлији сағ тәмајүллү ифратчы групун Гурани-Кәримә гаршы һөрмәтсиз һәрәкәтинә ҝөрә, Исвечин мүвәггәти ишләр вәкилини назирлијә чағыртдырыб.
342/
19 aprel 2022 - 10:09
Xəbər kodu: 1249458
Исвечдә, Стокһолмдан јүз мил ҹәнубда јерләшән Норчөпинг шәһәриндә Гурани-Кәримә һөрмәтсизлијә гаршы етиразлар давам едир.
