Тәкҹә Гарабағ ермәниләринин тәһлүкәсизлијинә зәманәт верилсин!

АБНА24 Хәбәр Верир ,Пашинјан бејнәлхалг бирлијин Азәрбајҹанын әрази бүтөвлүјүнү танымагдан, һабелә Гарабағын статусу илә бағлы иддиалардан имтина етмәкдән јана олдуғуна ејһам вуруб:

"Бејнәлхалг иҹтимаијјәт Азәрбајҹанын әрази бүтөвлүјүнү дүнјада танымајан јеҝанә өлкә олманын тәһлүкәсиндән ачыг шәкилдә данышыр. Бу ҝүн бејнәлхалг иҹтимаијјәт бизә дејир: Дағлыг Гарабағ мәсәләсиндә "планканы" бир аз ашағы салын".

Баш назир бәјан едиб ки, бејнәлхалг тәрәфдашлар Ирәванын һазыркы мөвгејинин тәкҹә Гарабағ үчүн дејил, һәм дә Ермәнистанын өзү үчүн бөјүк тәһлүкә олдуғуну билдирирләр.

Онун дүнәнки ачыгламасы да ејни мәзмунда олуб вә реваншист гүввәләр, еләҹә дә Гарабағ ермәниләри Ермәнистанын баш назирини тәслимчиликдә вә Азәрбајҹан ганунларынын Гарабағда тәтбиг едилмәси факты илә разылашмагда иттиһам едибләр.

Бунунла белә һазырда ики гоншу өлкә арасында ҹәрәјан едән сүлһ данышыглары ону демәјә әсас верир ки, Пашинјанын ачыгламалары Гарабағ әтрафында јени мәрһәләнин башландығы ҝөстәрир.

Биринҹиси, ермәни баш назир Азәрбајҹана гаршы әрази иддиаларынын олмадығыны, Гарабағ мәсәләсинин әрази јох, һүгуги мәсәлә олдуғуну етираф едир.

Икинҹиси, “статус” мәсәләсинин арха плана кечдијини, Гарабағдакы ермәниләрин тәһлүкәсизлик вә һүгугларынын тәмин едилмәсинин приоритет олдуғуну елан едир.

Гејд едәк ки, бир мүддәт әввәл Азәрбајҹанын Хариҹи Ишләр Назирлији сүлһ сазишинин имзаланмасы үчүн Ермәнистана 5 тәклиф ирәли сүрмүшдү. Орада сүсусилә Азәрбајҹан вә Ермәнистанын гаршылыглы олараг әрази мүбаһисәләринә сон гојмалары вә бир-биринин әрази бүтөвлүјүнү танымалары гејд олунур. Президент Илһам Әлијев сон ачыгламасында билдириб ки, рәсми Ирәван Азәрбајҹанын бүтүн шәртләрини јеринә јетирмәјә һазырлығыны Бакынын диггәтинә чатдырыб.

Бунунла да просесләр Ирәванын әрази бүтөвлүјүнүн танынмасы вә әрази иддиаларындан имтина едилмәсини нәзәрдә тутан база принсипләрини гәбул етдији јөнүндә ҝетдији демәкдир.

Шүбһә јохдур ки, сүлһ сазиши илә Гарабағдан имтина едилмәси ермәни мүхалифәтиндә вә диаспорда ҹидди реаксија доғураҹаг. Истисна дејил ки, онлар бејнәлхалг иҹтимаијјәтдә Гарабағ ермәниләринин “өз мүгәддәратыны тәјин етмә” һүгугунун тәблиғаты үчүн кампанијаја башлаја биләрләр.



342/