Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Мүбарәк Рамазан ајынын 10-у бөјүк Ислам ханымы, Һәзрәт Рәсули-Әкрәмин (сәлләллаһу әлејһи вә алиһ) вәфалы һәјат јолдашы вә "мөминләр анасы" Һәзрәт Хәдиҹеји-Күбранын (сәламуллаһи әлејһа) вәфат ҝүнүдүр.
Ислам Пејғәмбәрин һәјат јолдашы һәзрәти Хәдиҹә һиҹрәтдән 68-ил әввәл Мәккә шәһәриндә дүнјаја ҝөз ачмышдыр. Атасынын ады Хувәјлид ибн Әсәд, анасынын ады исә Фатимә бинти Заидәт ибн Асим иди. О, исламы гәбул едән илк гадын иди.
Һәзрәти Хәдиҹә (сәламуллаһи әлејһа) 25 јашында икән Рәсули-Әкрәм илә аилә һәјаты гурур. Вә бу Ханым Хәдиҹәнин (сәламуллаһи әлејһа) илк евлилији иди.
О һәзрәт чох иффәтли вә исмәтли олдуғу үчүн ҹаһилијјәт заманында она "Таһирә” ләгәби вермишдиләр.
Һәзрәт Хәдиҹә (сәламуллаһи әлејһа) 25 ил Пејғәмбәрлә өмүр сүрүб. Бу мүддәт әрзиндә о һәзрәтин кәдәринә, чәтинликләринә шәрик олуб.
Пејғәмбәри-Әкрәм (сәлләллаһу әлејһи вә алиһ) Уммул-мөминин, һәзрәт Хәдиҹәнин (сәалмуллаһи әлејһа) һаггда бујуруб: "Һамы мәни тәкзиб едәндә Хәдиҹә мәни тәсдиг едәрди."
Бу алиҹәнаб ханымын Мәккә шәһәриндә, "Әбу Талиб" гәбиристанлығында јерләшән пак гәбри мүсәлманлар тәрәфиндән зијарәт олунур.
Диггәт: Хәбәрдән Истифадә Етдикдә Мәнбәјә Истинад Лазымдыр!
