Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Иран вә Гәтәр авиасија секторунда икитәрәфли әмәкдашлыг һаггында анлашма меморандуму имзалајыб.
СәһәрАзәри-нин мәлуматына әсасән, Гәтәр дөвләтинин нәглијјат вә рабитә назири бир һејәтин башында Иранын ҹәнубундакы Киш адасына сәфәр едиб.
Иран Ислам Республикасы вә Гәтәрин јүксәк сәвијјәли рәсмиләри базар ертәси авиасија саһәсиндә икитәрәфли әмәлијјат сазышы имзалајыблар.
Гәтәрин нәглијјат вә рабитә назири Ҹасим Бин Сејф Әл-Сулаити вә Иранын јоллар вә шәһәрсалма назири Рүстәм Гасиминин иштиракы илә Гәтәр вә Иран арасында учушларын сајынын артырылмасы һаггында да сазиш имзаланыб.
Тәрәфләр арасында нәглијјат саһәсиндә әмәкдашлығын ҝүҹләндирилмәси мәгсәдилә бир сыра ҝөрүшләр дә кечирилиб.
Ҝөрүшләр заманы һәр ики тәрәф ҝәмичилик вә лиман идарәчилији саһәләриндә әмәкдашлығын ҝүҹләндирилмәси вә лиманлар арасында нәглијјат вә тиҹарәтин ҝүҹләндирилмәсинә вә асанлашдырылмасына дәстәк, һәмчинин өзәл секторун инвестисија имканларынын арашдырылмасы илә бағлы бүтүн мәсәләләри мүзакирә едибләр.
Диггәт: Хәбәрдән Истифадә Етдикдә Мәнбәјә Истинад Лазымдыр!
