Иран: "Бејнәлхалг иҹтимаијјәт НПТ-јә гошулмаг үчүн сионист режимә тәзјиг ҝөстәрмәлидир"

АБНА24 Хәбәр Верир , Мүхтәлиф мәлуматлара ҝөрә, сионист режимин дүнјаны мәһв едә биләҹәк 300-ә јахын нүвә башлығы вар.

Бу режим индијәдәк Нүвә Силаһларынын Јајылмамасы Мүгавиләси НПТ-ни имзаламагдан имтина едиб вә бу саһәдә АБШ-ын дәстәјинә маликдир.

ИРИБ-ин мәлуматына ҝөрә, Зәһра Ершади БМТ-нин Силаһсызлашдырма Комиссијасынын иллик иҹласында бејнәлхалг иҹтимаијјәтин сионист режимин нүвә програмы гаршысында сусмасыны тәнгид едәрәк, гејд едиб ки, бејнәлхалг иҹтимаијјәт НПТ-јә гошулмасы вә МАГАТЕ-нин тәфтишләрини гәбул етмәси үчүн сионист режимә тәзјиг ҝөстәрмәлидир.

Ершади, һәмчинин бу иҹласда дүнјадакы мөвҹуд ҝеосијаси бөһранлара вә нүвә силаһындан истифадә тәһлүкәсинә тохунараг, вурғулајыб: "Бејнәлхалг иҹтимаијјәтә лазым олан шеј нүвә ҝүҹләринин мүәјјән бир мүддәт әрзиндә нүвә силаһларыны мәһв етмәјә даир фәалијјәт планыны разылашдырмаг үчүн сијаси ирадәсидир вә бу бахымдан нүвә силаһынын һәр һансы тәдгигаты, инкишафы, сынаглары вә истеһсалы дајандырылмалыдыр".

Иранын БМТ-дәки даими нүмајәндәсинин мүавини нүвә өлкәләринин нүвә бүдҹәсинин артырылмасыны вә бу ҹүр силаһларын мүмкүн истифадәси һәддинин ашағы салынмасыны тәнгид едәрәк, АБШ вә Инҝилтәрәнин мүвафиг сијасәтләрини писләјиб вә белә бир просеси гәбуледилмәз вә нүвә силаһына малик дөвләтләрин Нүвә Силаһларынын Јајылмамасы Мүгавиләсинин 6-ҹы маддәси үзрә өһдәликләринә зидд адландырыб.

342/