АБНА24 Хәбәр Верир , Сәид Хәтибзадә бу ҝүн кечирдији һәфтәлик мәтбуат конфрансында Вјана данышыгларында јаранмыш фасиләјә ҝөрә Вашингтонун мәсулијјәт дашыдығыны билдириб вә әлавә едиб ки, әҝәр америкалылар разылыға ҝәлмәјә чалышырларса, мүмкүн гәдәр тез сијаси гәрар вермәлидирләр.
Хәтибзадә АБШ-ын јени санксијалары илә бағлы дејиб: "АБШ-ын бу ҹүр зиддијјәтли һәрәкәтләрини чох ҝөрмүшүк".
Хәтибзадә әлавә едиб: "Бирләшмиш Штатлар ҝөстәрди ки, Вашингтонун нәзәриндә һәр шеј сијасидир вә лазым билдији заман өз сијаси мәгсәдләринә чатмаг үчүн бүтүн дәјәрләри гурбан верир вә онун үчүн ваҹиб олан Вашингтонда вә Ағ Евдә Иран халгына гаршы формалашдырылан сијасәтдир".
Хәтибзадәнин дедијинә ҝөрә, Вјанада баш верәнләр АБШ-ын јанашмасындан гајнагланыр вә АБШ галан мәсәләләри өз дахили проблемләринин ҝировуна чевирмәјә чалышыр. Иран вә иранлылар әбәди сәбир едә билмәзләр.
Иранын Хариҹи Ишләр Назирлијинин сөзчүсү вурғулајыб: "Әсас мәсәлә Иранын нүвә анлашмасы вә БМТ-нин 2231 сајлы гәтнамәсинә әсасән фајдаланмасыдыр вә Иранын мәнфәәт дөврү тамамланана гәдәр өз гырмызы хәтләриндә галаҹаг".
Хәтибзадә билдириб ки, Иран Ислам Республикасы Јәмәндә атәшкәсин әлдә олунмасыны алгышлајыр вә ајлардыр буну ҝөзләјирди.
О, әлавә едиб: "Өнәмли олан будур ки, Иран ајлар иди Сәудијјә Әрәбистаныны Јәмәндәки һәрәкәтләрини дајандырмаға тәшвиг едирди".
Иран Хариҹи Ишләр Назирлијинин сөзчүсү гејд едиб ки, һазырда Јәмәндә атәшкәс өлкә дахилиндә јәмәнлиләр арасында диалог, һәмчинин онлара һуманитар јардымларын ҝөстәрилмәси илә мүшајиәт олунмалыдыр".
Иран Хариҹи Ишләр Назирлијинин сөзчүсү, һәмчинин Әфганыстан һадисәләринә дә тохунуб вә әсас һүгугларындан мәһрум олан гадын вә ушагларын вәзијјәтиндән нараһат олдуғуну билдириб.
342/
5 aprel 2022 - 13:15
Xəbər kodu: 1244999
Иранын Хариҹи Ишләр Назирлијинин сөзчүсү вурғулајыб: "Разылашма чох әлчатандыр, әҝәр Америка гырмызы хәтләримизи кечмәјәҹәјимизи баша дүшсә вә билсә".
