АБНА24 Хәбәр Верир , Әмир Абдуллаһиан базар ҝүнү Оманын хариҹи ишләр назири Бәдр Бин Һәмәд Әлбусаиди илә телефон данышығында дејиб: "Иран Ислам Республикасы јахшы вә давамлы разылашмаја һазырдыр, лакин АБШ һәддиндән артыг тәләбләри илә Вјана данышыгларыны узадыр".
Әмир Абдуллаһиан телефон данышығында, һәмчинин оманлы һәмкарыны, Оман һөкумәти вә халгыны мүбарәк Рамазан ајы мүнасибәтилә тәбрик едиб, Јәмәндә атәшкәсин давамлы олаҹағына үмид етдијини билдириб.
Бунунла бағлы Әмир Абдуллаһиан дејиб: "Инди ваҹиб олан атәшкәсин давамы илә паралел олараг һуманитар мүһасирәнин тамамилә арадан галдырылмасыдыр. Һазырда Јәмән халгына һуманитар јардымларын ҝөндәрилмәси чох ваҹибдир".
Оманын хариҹи ишләр назири дә телефон данышығында Иран һөкумәти вә халгыны мүгәддәс Рамазан ајынын башланмасы мүнасибәти илә тәбрик едиб, Јәмәндә атәшкәсин бәргәрар олмасыны алгышлајыб,
Әл-Бусаиди Иранын бу мәсәләдәки ролу вә сәјләринә ҝөрә тәшәккүр едиб вә бунун, бүтүн Јәмән тәрәфләри арасында диалога вә өлкә сәрһәдләринин ачылмасына зәмин јарадаҹағына үмид етдијини билдириб.
342/
5 aprel 2022 - 13:14
Xəbər kodu: 1244997
Иранын хариҹи ишләр назири АБШ-ын бәзи иранлы шәхсләр вә ширкәтләрә гаршы јенидән санксијалар тәтбиг етмәсини тәнгид едәрәк, Вјана данышыгларынын узанмасында АБШ-ын бирбаша мәсулијјәт дашыдығыны билдириб.
