АБНА24 Хәбәр Верир , Талибанын лидери бу ҝүн Әфганыстанда истәнилән наркотик маддәсинин беҹәрилмәсини, истеһсалыны, истифадәсини, тиҹарәтини вә дашынмасыны гадаған едиб.
Һәлә дә онун ҝөрүнтүләри медиаларда јајымланмајан Һејбәтуллаһ Ахундзадәнин фәрманыны, Талибанын сөзчүсү Зәбиһуллаһ Мүҹаһид медиа мәнсубларынын, бејнәлхалг иҹтимаијјәтин нүмајәндәләринин вә Талибанын јүксәк вәзифәли башчыларынын иштирак етдији ҝөрүшдә ачыглајыб.
М.М: Бүтүн һәмвәтәнләрин нәзәринә чатдырылыр ки, бу фәрман верилдији ҝүндән бүтүн өлкә әразисиндә тирјәк әкилмәси гәти гадаған олунаҹаг. Бундан сонра һеч ким бу биткини беҹәрә билмәз, кимсә бу фәрманы позарса, онун мәһсулу мәһв едиләҹәк вә ону позанлар Ислам шәриәти илә ҹәзаландырылаҹаглар.
Талибанын мүвәггәти кабинетинин инзибати ишләр үзрә мүавини билдириб ки, Талибан бу фәрманы јеринә јетирмәкдә ҹидди вә гәрарлыдыр.
Молла Әбдүл Салам Һәнәфи ишғалчыларын сон 20 илдә Әфганыстанда тирјәкин инкишафынын әсас амили олдуғуну сөјләјиб.
М.М: Әфганыстанда наркотикләрин беҹәрилмәси сыфыра енмишди. Әфганыстан торпаглары ишғалчылар тәрәфиндән ишғал едилдикдән сонра Әфганыстанда наркотик маддәләрин истеһсалы ҝенишләнирди. Әфганыстанда 95-ә јахын наркотик маддә истеһсал едилирди.
Талибан лидеринин фәрманы бу ҝүн Әфганыстанда тирјәк јығымы мөвсүмүнә тәсадүф едир. Талибан Әфганыстанда тәхминән сәккиз аја јахындыр вә онларын һакимијјәтә ҝәлмәси илә ејни заманда әкилән минләрлә һектар тирјәк саһәсинин талеји илә бағлы һәләлик һеч бир ачыглама вермәјиб.
342/
5 aprel 2022 - 13:10
Xəbər kodu: 1244992
Талибанын лидери бир фәрман имзалајараг, наркотик маддәләрин беҹәрилмәси, истеһсалы вә гачагмалчылыг јолу илә дашынмасыны гадаған едиб.
