АБНА24 Хәбәр Верир , һәр ҝүн Украјнадакы вәзијјәт илә бағлы мәлумат јајан Британија Мүдафиә Назирлијинин кәшфијјат хидмәти билдириб ки, Русија дөвләти илә әлагәли олан “Wаҝнер” өзәл һәрби ширкәтинин муздлуллары да дахил олмагла, Русија гошунлары әразијә һәрәкәт етдирилир.
Украјна Силаһлы Гүввәләри Баш Гәрарҝаһы исә билдириб ки, Русија Ордусу бу ҝүнләрдә Украјнанын шәргиндә, Северодонетск истигамәтиндә һүҹума кечә биләр.
Украјна Силаһлы Гүввәләринин Баш Гәрарҝаһы Донетск вә Таврида истигамәтләриндә гаршы тәрәфин әсас сәјләрини јашајыш мәнтәгәләрини әлә кечирмәјә јөнәлтдијини гејд едиб.
Бундан әлавә, Русија Ордусу јахын ҝүнләрдә Северодонетск вә Болшаја Новоселка истигамәтиндә јени һүҹума һазырлашыр.
“Дүшмән авиасија вә артиллерија гүввәләринин дәстәји илә Мариупола һүҹумуну давам етдирир”, - дејә Баш Гәрарҝаһын мәлуматында дејилир.
Белә бир шәраитдә Украјна президенти Русија илә диалогун мүмкүнлүјүндән данышыб.
“Украјна башга дөвләтләрдән тәһлүкәсизлик зәманәти алдыгдан сонра Русија илә данышыглар масасына отура биләр”.Бу барәдә Украјна Президенти Владимир Зеленски билдириб.
“Инди биз реал, иҹра едилә билән зәманәтләрлә марагланырыг. Беш өлкә, буна тәминат вермәлидир. Ола билсин ки, һәтта үч өлкә дә Украјна үчүн там һүгуглу мүдафиәјә зәманәт версин. Јалныз бундан сонра биз Русија илә бир маса әтрафында отура биләрик”, - дејә Зеленски билдириб.
342/
5 aprel 2022 - 13:07
Xəbər kodu: 1244987
Украјна мүһарибәсинин илк ҝүнләриндән бу өлкәдә кәшфијјат фәалијјәтләри илә мәшғул олан Инҝилтәрә кәшфијјаты билдириб ки, Русија гүввәләри Украјнанын шәргинә вә Донбас реҝионуна јенидән һүҹумла әлагәдар мөһкәмләнмәјә вә јенидән тәшкилатланмаға давам едирләр.
