Украјна ордусу: Өлкәнин шималында Русија гошунлары галмајыб

АБНА24 Хәбәр Верир , Русија һәрбчиләри Украјнанын һәрби вә мүлки објектләринә системли ракет вә һава зәрбәләрини давам етдирир, бунунла јанашы, јүксәк дәгигликли силаһлардан истифадә етмәклә ракет зәрбәләри вә зәрбәләрин интенсивлији азалыб.

Мәлуматда дејилир ки, Украјна әразисиндә дөјүш әмәлијјатларында иштирак етмәк үчүн әлавә дүшмән бөлмәләринин һазырланмасы давам едир. Украјнанын мүвәггәти ишғал олунмуш әразиләринин сакинләриндән вә муздлулардан "көнүллү" баталјонларын јарадылмасы планлашдырылыр.

Гејд едилир ки, Волын истигамәтиндә дүшмән гошунларынын вәзијјәтиндә вә мөвгејиндә әһәмијјәтли дәјишикликләр гејд олунмајыб.

Полеск истигамәтиндә гаршы тәрәф һәрби бөлмәләри Беларус әразисинә чәкмәјә давам едир. Русија ордусу гошунларын чыхарылмасы заманы ирәлиләмә јолларына вә ајры-ајры јашајыш мәнтәгәләринә миналар јерләшдирир.

Украјна һөкумәти баш верәнләри Русија ордусунун зәифлији әламәти сајса да, мүстәгил аналитикләр Кремлин өз һәрби тактикасыны дәјишәрәк гоншу өлкәнин шәрг вә ҹәнуб бөлҝәләрини әлә кечирмәк нијјәтиндә олмасы илә изаһ едирләр.

Диҝәр тәрәфдән Украјна мәнбәләринин дедијинә ҝөрә, сутка әрзиндә Украјна ордусу Донетск вә Луганск истигамәтләриндә дүшмәнин 6 һүҹумунун гаршысыны алыб.

Украјна Баш Гәрарҝаһынын мәлуматына әсасән, Донетск вә Луганск әразисиндә Украјнанын мүдафиәчиләри дүшмәнин 6 һүҹумунун гаршысыны алыб, 4 танкыны, 6 зиреһли техникасы вә 7 автомобилини мәһв едиб.

Бу арада Украјнанын Дахили Ишләр Назирлији мәлумат јајараг билдириб ки, сон бир ај әрзиндә Украјнада 600-ә јахын диверсант тутулуб.

Мәлумата әсасән, диверсантларда Украјна Силаһлы Гүввәләринә мәхсус објектләрин вә һәрби постларын шәкилләри, еләҹә дә онлар һаггында мәлуматлар ашкарланыб.

Иддиа олунур ки, диверсантлар диҝәр мәхфи тапшырыглары да јеринә јетирмәјә ҹәһд едибләр.

342/