АБНА24 Хәбәр Верир , Һүсејн Әмир-Абдуллаһиан вә «Ван И» игтисади һәмкарлыгларын инкишафы саһәсиндәки мәшвәрәтин давам етдирилмәси вә тәгдим олунмуш лајиһәләрин јекунлашдырылмасынын сүрәтләндирилмәсинә тәкид едибләр.
Иранын хариҹи ишләр назири ики өлкәнин бејнәлхалг тәшкилатлардакы һәмкарлығы, һәмчинин инсан һүгугларынын сијасиләшдирилмәси вә өлкәләрин дахили ишләринә мүдахилә илә бирҝә мүбаризәни ики өлкә әлагәләринин мүһүм истигамәтләриндән адландырыб.
Гәрб өлкәләринин мүстәгил халглара гаршы санксијадан ганунсуз истифадәләрини гејд едән Әмир-Абдуллаһиан бу мәсәлә илә мүбаризәни бөһранјаратманын гаршысыны алмаг вә сабитлијә јардым үчүн өнәмли адландырыб.
Иранлы тәрәфин Әфганыстанын гоншуларынын хариҹи ишләр назирләринин үчүнҹү иҹласындакы иштиракыны јүксәк дәјәрләндирән Чинин хариҹи ишләр назири дә бејнәлхалг тәшкилатларда әмәкдашлыға вә 25 иллик сәнәдин һәјата кечирилмәси үчүн тәрәфләрин јахын мәшвәрәт вә һәмкарлығына тәкид едиб.
Иран вә Чин хариҹи ишләр назирләри Вјана мүзакирәләрилә бағлы сон олајлар барәдә фикир мүбадиләси апарыб, бәзи Гәрб өлкәләринин биртәрәфли вә ганунсуз санксијалары илә мүбаризәни вурғулајыблар.
Иранын хариҹи ишләр назири Әфганыстанын гоншуларынын хариҹи ишләр назирләринин үчүнҹү иҹласында иштирак вә иҹласда иштирак едән рәсмиләрлә мәшвәрәт мәгсәдилә Чинә етдији сәфәрдән сонра бу ҝүн сәһәр саатларында Теһрана ҝери дөнүб.
342/
2 aprel 2022 - 08:35
Xəbər kodu: 1243882
Иран вә Чин хариҹи ишләр назирләри Әфганыстанын гоншуларынын хариҹи ишләр назирләринин үчүнҹү иҹласынын кәнарында кечирдикләри ҝөрүшдә икитәрәфли әлагәләр, мүһүм реҝионал вә бејнәлхалг мәсәләләр барәдә данышыблар.
