АБНА24 Хәбәр Верир , рәсми Кијев рус гошунларынын шимал истигамәтиндә ҝери чәкилмәсинә шүбһә илә јанашыр.
Зеленски бу һагда дејиб: "Сајыглығы итирмәјин. Вәзијјәт асанлашмајыб, чағырышларын мигјасы азалмајыб. Русија ордусунун дөвләтимизә гаршы һүҹумларыны давам етдирмәк үчүн һәлә дә бөјүк потенсиалы вар. Онларын һәлә дә чохлу техникасы вә мүһарибә “газан”ына ҝөндәрә биләҹәкләри кифајәт гәдәр тамамилә һүгугларындан мәһрум едилмиш адамлары вар."
Украјна Мүдафиә Назирлијинин фејсбук сәһифәсиндә јајылан әмәлијјат мәлуматында исә билдирилир ки, Русија Силаһлы Гүввәләри Ҹәнуби Ҝүрҹүстанын Ҹәнуби Осетијада јерләшдирдији 4-ҹү вә Абхазијада јерләшдирдији 7-ҹи һәрби базасыны Украјнаја көчүрүб.
4-ҹү базадан Украјнаја 3 зиреһли техника, бир осетин вә 1 200 русијалы әсҝәр, 7-ҹи базадан исә 2 зиреһли техника, 800-ә јахын әсҝәр ҝөндәрилиб.
Беләликлә дә Русија Силаһлы Гүввәләриндә шәхси һејәтин топланмасы илә бағлы проблем галмагдадыр. Украјна Силаһлы Гүввәләри Русијанын 7 танкы, 7 зиреһли техникасы, 2 автомобили вә танкәлејһинә силаһы мәһв едилиб.
Диҝәр тәрәфдән Украјна Силаһлы Гүввәләринин Баш Гәрарҝаһы иддиа едиб ки, Русија Силаһлы Гүввәләри шәхси һејәт топламагда чәтинликлә үзләшир. Белә ки, Украјна илә мүһарибәдә иштирак етдикдән сонра 47-ҹи танк дивизијасынын вә 26-ҹы танк алајынын чағырышчылары мүгавиләјә хитам верилмәси вә сонракы хидмәт үчүн даими дислокасија мәнтәгәсинә ҝөндәрилмәси истәјилә һесабат һазырламаға башлајыблар.
Мүһарибәнин 35-ҹи ҝүнүндә Украјна Баш Гәрарҝаһынын мәлуматында билдирилиб ки, февралын 24-дән мартын 30-на гәдәр дүшмәнин 17.300-дән чох әсҝәри, 605 танкы, 1723 һәрби зиреһли машыны, 305 артиллерија системи, 96 реактив јајлым атәш системи, 54 ҺҺМ системи, 131 тәјјарә, 131 һеликоптер, 1.184 автомобил техникасы, 7 ҝәми/катер, 75 јанаҹаг систерни, 81 ПУА, 21 хүсуси техника, 4 әдәд тактики ракет комплекси мәһв едилиб.
342/
31 mart 2022 - 17:29
Xəbər kodu: 1243503
Украјна Президенти Владимир Зеленски дејиб ки, Русија гошунларыны ҝери чәкилмәјә мәҹбур едән Украјна ордусунун еффектив һәрәкәтләридир.
