Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, “Русија тәбии газ тәдарүкү үчүн һесаблашмалары доллар вә авро да дахил олмагла, өзләрини нүфуздан салмыш валјуталарла һәјата кечирмәкдән имтина едәҹәк вә рублла өдәнишләрә кечәҹәк”.
ТАСС хәбәр аҝентлијинин мәлуматына ҝөрә, бу барәдә Русија Президенти Владимир Путин һөкумәтлә ҝөрүшүндә билдириб.
“Мән өдәнишин ән гыса мүддәтдә көчүрүлмәси үчүн комплекс тәдбирләр һәјата кечирмәк гәрарына ҝәлдим. Ҝәлин бундан башлајаг - бизим тәбии газымыз, дост олмајан өлкәләрә Русија рублу илә верилсин”, - дејә о бәјан едиб.
Президент гејд едиб ки, Русија Федерасијасы даһа әввәл бағланмыш мүгавиләләрдәки гијмәтләр вә һәҹмдә газ тәдарүкүнү давам етдирәҹәк.
“Бүтүн хариҹи истеһлакчылар Русија газы үчүн өдәнишләри рублла һәјата кечирмәк имканына малик олмалыдырлар”, - дејә Путин әлавә едиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
