Украјна мүһарибәсиндә 10000 һәрчи өлүб

АБНА24 Хәбәр Верир , белә бир мәлуматы “Комсомолскаја правда” Русија Мүдафиә Назирлијинә истинадла 20 мартда јајыб.

Мәлуматда гејд едилир ки, Русија Мүдафиә Назирлијинин мәлуматына ҝөрә, Украјнада апарылан хүсуси һәрби әмәлијјатын ҝедишиндә Русија ордусу 9861 нәфәр итириб, 16153 нәфәр јараланыб.

Гејд едәк ки, Русија Мүдафиә Назирлији 2 мартда 498 әсҝәр итирдијини елан етмишди. Ондан сонра шәхси һејәт иткиси барәдә мәлумат јениләнмәјиб.

Украјна исә 15 минә јахын рус әсҝәринин мәһв едилдијини билдирир.

Бу арада експертләр Русијанын иткиләри азалтмаг үчүн өз һәрби тактикасыны дәјишдијини вә даһа чох узагмәнзилли ракетләрә үз тутдуғуну вурғулајырлар.

Русија ордусу бу ҝүнләрдә азы ики дәфә һиперсәс силаһларындан истифадә едиб. Бәзи експертләр исә буну Путинин НАТО-ја хәбәрдарлығы кими гијмәтләндирирләр.

Алманијада чыхан "Дие Велт" гәзетинин мәлуматында гејд олунур ки, бу, Гәрби ҹидди проблем гаршысында гојур. Москва һәрби әмәлијјат башлајандан бәри илк дәфә олараг “Хәнҹәр” адлы силаһдан истифадә етдијини ачыглајыб. Бу ракет сәсдән онгат сүрәтлә уча билир. Бу бахымдан, ону мүәјјән етдикдән сонра реаксија үчүн вахт чох аз олур.

Мәгаләдә билдирилир ки, НАТО вә хүсусилә онун авропалы үзвләри Москванын һиперсәс силаһларынын тәһлүкәләриндән хәбәрдардырлар. Лакин һәлә дә буна гаршы еффектив системә малик дејилләр. Чохмилјардлыг сәрмајә илә Пентагон сәсдән 27 дәфә сүрәтли вә Русија вә Чин һиперсәс силаһларыны тутмаг имканларына саһиб системләр јаратмаға чалышыр. Авропада һиперсәс силаһлары даһа чох мүзакирә олунур вә ја елми арашдырмалар апарылыр. Анҹаг суал будур ки, бу фундаментал тәдгигатлар әсасында еффектив ракет әлејһинә системләр һазырламаг мүмкүн олаҹагмы, әҝәр беләдирсә, нә вахт?

АБШ Президенти Ҹо Бајден дә Русијанын мүһарибәдә ишләтдији јени силалһ барәдә ачыглама вериб. О дејиб: "Илк дәфә Украјнада дөјүшләрдә истифадә едилән Русијанын "Хәнҹәр" һиперсәс ракети фактики олараг гаршысыалынмаздыр, ону дајандырмаг демәк олар ки, мүмкүн дејил”.

342/