Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Инҝилтәрә Хариҹи Ишләр Назири Лиз Трасс чәршәнбә ҝүнү вердији ачыгламада Бирләшмиш Краллығын Ирана олан тарихи борҹуну өдәдијини билдириб.
“IMS-ин (International Military Services Limited) борҹу Британија ганунвериҹилији, бејнәлхалг һүгуг вә бүтүн гануни өһдәликләрә там ујғун олараг өдәнилиб.” - дејә назир билдириб.
Гејд едәк ки, 393,8 милјон фунт стерлинг һәҹминдәки борҹ IMS ширкәтилә Ислам Ингилабындан әввәлки Иран шаһ режими арасында имзаланмыш мүгавилә нәтиҹәсиндә јараныб. Иран тәрәфинин өдәнишинә бахмајараг, Ислам Ингилабындан сонра Британија ширкәти мүгавиләни јеринә јетирмәкдән имтина едиб. Краллығын мәһкәмәләри вә Бејнәлхалг Арбитраж Мәһкәмәси (ICC) борҹун Иран Ислам Һөкумәтинә өдәнилмәли олдуғуну тәсдигләјиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
