Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Азәрбајҹан Мүдафиә Назирлијинин Мәнзил Истисмар Идарәсинин сабиг рәиси Фикрәт Мирзәјев барәсиндә һәбс гәтимкан тәдбири сечилиб.
Бакы Һәрби Мәһкәмәсиндә истинтаг органынын тәгдиматына бахылыб.
Мәһкәмә тәгдиматы тәмин едиб вә Фикрәт Мирзәјев барәсиндә 4 ајлыг һәбс гәтимкан тәдбири сечилиб.
Гејд едәк ки, Фикрәт Мирзәјев Дөвләт Тәһлүкәсизлији Хидмәтиндә апарылан ҹинајәт иши чәрчивәсиндә сахланылыб. О, хүсусилә күлли мигдарда мәнимсәмәдә тәгсирләндирилир.
Фикрәт Мирзәјевә гаршы Ҹинајәт Мәҹәлләсинин 179.4-ҹү маддәси илә иттиһам ирәли сүрүлүб.
Ф.Мирзәјев 2 ил әввәл вәзифәсиндән азад едилиб.
Хатырладаг ки, Дөвләт Тәһлүкәсизлији Хидмәти Мүдафиә Назирлијиндә баш верән мәнимсәмә фактлары илә бағлы ҹинајәт ишинин истинтагыны давам етдирир.
Бундан әввәл Мүдафиә Назирлијинин Малијјә вә Бүдҹә Идарәсинин рәиси, ҝенерал-мајор Низами Мәммәдов вә бәзи вәзифәли шәхсләр һәбс едилиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
14 mart 2022 - 12:11
Xəbər kodu: 1239035
Гејд едәк ки, Фикрәт Мирзәјев Дөвләт Тәһлүкәсизлији Хидмәтиндә апарылан ҹинајәт иши чәрчивәсиндә сахланылыб. О, хүсусилә күлли мигдарда мәнимсәмәдә тәгсирләндирилир.
