АБНА24 Хәбәр Верир , Ермәнистан Хариҹи Ишләр Назирлијинин ачыгламасында дејилир ки, Ермәнистан тезликлә Азәрбајҹанла сүлһ данышыгларына башламаг мәсәләси илә бағлы АТӘТ-ин Минск Групунун һәмсәдрлијинә мүраҹиәт едә биләр.
Ермәнистан ХИН нүмајәндәси Ваһан Һунанјан бу барәдә билдириб: “Сәнәдин имзаланмасындан әввәл, әлбәттә ки, бу мөвзуда данышыглар просеси апарылмалыдыр. Вә һәр ики тәрәфин бәјанатлары һәлә данышыглар просесинә чеврилмәдијиндән, өлкәләрин бирбаша данышыгларда зәнҝин тәҹрүбәси олмадығындан, Ермәнистан јәгин ки, јахын ҝәләҹәкдә васитәчиләрә мүраҹиәт едәҹәк”.
Онун сөзләринә ҝөрә, мәсәлә үзәриндә һазырда иш апарылыр.
Һунанјан гејд едиб ки, реҝионал коммуникасијаларын ачылмасы да һөкумәт үчүн приоритет мәсәләдир вә бу истигамәтдә конкрет аддымлар атылыр.
Хатырладаг ки, бир мүддәт әввәл Азәрбајҹанын хариҹи ишләр назири Ҹејһун Бајрамовун бәјанатыны шәрһ едән Һунанјан билдириб ки, Ермәнистан һөкумәти өлкәнин вә Ҹәнуби Гафгаз реҝионунун сүлһ јолу илә инкишафы ерасы елан етмәк стратеҝијасыны рәһбәр тутур вә бу истигамәтдә мүәјјән аддымлар атмаға һазырдыр.
Бајрамов исә билдириб ки, Бакы дәфәләрлә Ирәвана сүлһ мүгавиләси бағламағы тәклиф едиб вә чәтинликләрә бахмајараг, мүнасибәтләри нормаллашдырмаг барәдә дүшүнмәк олар.
Мартын 2-дә Ермәнистанын баш назири Никол Пашинјан бәјан едиб ки, Азәрбајҹанла сүлһ сазишинин бағланмасы үчүн данышыглара башламаг мәсәләси ҝүндәмдәдир вә ҝүндәлијә реҝионал коммуникасијаларын ачылмасы, Ермәнистан-Азәрбајҹан сәрһәдинин демаркасијасы вә делимитасијасы, Азәрбајҹанла сүлһ сазиши үзрә данышыглара башламаг мәсәләси дахилдир.
342/
13 mart 2022 - 04:46
Xəbər kodu: 1238685
Ирәван Бакы илә сүлһ данышыгларынын башламасы илә бағлы Минск групуна мүраҹиәт едәҹәк.
