АБНА24 Хәбәр Верир ,Вјана шәһәринин Куборг отелиндә Иран илә 4+1 групу өлкәләри (Алманија, Франса, Британија, Русија вә Чин) еләҹә дә Авропа Иттифагынын координатору арасында Вјана данышыгларынын сәккизинҹи раунду чәрчивәсиндә мәсләһәтләшмәләр давам едир.
Данышыглар Иранын мүзакирә һејәтинин тәшәббүсү сајәсиндә ирәлиләјиб, лакин Гәрбин, хүсусән дә Ҹо Бајден администрасијасынын АБШ-ын кечмиш администрасијасынын ганунсуз һәрәкәтләрини компенсасија етмәк үчүн ләнҝимәси вә максимум тәзјиг кампанијасыны давам етдирмәси, бу өлкәнин нүвә анлашмасына гајытмаг үчүн ҹиддилијини шүбһә алтына алыб вә данышыглар просесини узадыб.
Иран Ислам Республикасы мәсулијјәтли бир өлкә кими дәфәләрлә бәјан едиб ки, АБШ-ын нүвә анлашмасыны позан тәрәф олдуғуну нәзәрә алараг, бу өлкә санксијалары ләғв етмәклә разылашмаја гајытмалы вә үзәринә ҝөтүрдүјү өһдәликләрин јеринә јетирилмәси јохланылмалыдыр.
Бу истигамәтдә, Иранын Али Милли Тәһлүкәсизлик Шурасынын катиби Әли Шәмхани базар ертәси ҝүнү бир твитдә јазыб: "Вјана данышыгларында иштирак едән өлкәләрин мүсбәт вә мәнфи һәрәкәтләри марагларын тәмин едилмәсинә јөнәлиб вә бу баша дүшүләндир".
Шамхани әлавә едиб: "Иранын 4+1 өлкәләри илә гаршылыглы фәалијјәтинә тәсир едән јеҝанә амил иранлыларын марагларынын тәмин едилмәсидир".
Шәмхани гејд едиб ки, нәтиҹә әлдә етмәји сүрәтләндирмәк үчүн данышыгларда јени еффектив компонентләрин гијмәтләндирилмәси вә данышыглар тәшәббүсләринин гәбулу ҝүндәмдәдир
342/
8 mart 2022 - 04:55
Xəbər kodu: 1237088
Иранын Али Милли Тәһлүкәсизлик Шурасынын катиби Вјана данышыгларында нәтиҹә әлдә етмәји сүрәтләндирмәк үчүн тәшәббүсләрин ҝүндәмдә олдуғуну билдириб.
