АБНА24 Хәбәр Верир ,Иранын Атом Енержиси Тәшкилатынын рәһбәри Мәһәммәд Ислами Бејнәлхалг Атом Енержиси Аҝентлијинин баш директору Рафаел Гросси илә Теһранда кечирдији бирҝә мәтбуат конфрансында дејиб: "Үмид едирик ки, дүшмәнләрин Ирана гаршы тәхрибат характерли һәрәкәтләри давам етмәјәҹәк; Һансы ки, онларын кичик бир нүмунәси Иранын нүвә алимләринин террор едилмәсидир".
Ислами әлавә едиб: "Иранын сүлһмәрамлы нүвә програмыны инкишаф етдирмәк үчүн узунмүддәтли планы вар. Галан мәсәләләр гејри-сијаси јолла вә өз низамнамәләри чәрчивәсиндә һәлл едилмәлидир вә биз әмәкдашлыг просесинин сијаси характер дашымајаҹағына үмид едирик".
Иранын Атом Енержиси Тәшкилатынын рәһбәри вурғулајыб: "Иддиа едилән мәсәләләр һәмишәлик бағланмалы вә Иран халгы үчүн даһа чох нараһатлыг јарадылмамалыдыр вә Иранла МАГАТЕ арасында әлдә олунан разылашмаја әсасән, бу мәсәләләрлә бағлы сәнәдләр ән ҝеҹи ијун ајына гәдәр һазырламалыдыр вә кимсә мүдахилә едәрсә, әлимиздә олан васитәләрдән истифадә етмәк һүгугумуз вар".
Бејнәлхалг Атом Енержиси Аҝентлијинин баш директору да дејиб: Иранын Атом Енержиси Тәшкилатынын рәһбәри илә ҝөрүшдә сәмәрәли диалогумуз олду. Рафаел Ҝросси әлавә едиб: "Биз прагматик јанашмаја чалышдыг. Әмәкдашлыг үчүн гаршылыглы анлашмаја наил олмаг чох ваҹибдир вә нүвә енержиси өлкәләрин, о ҹүмләдән Иранын инкишафы үчүн чох ваҹибдир".
Иранын МАГАТЕ-јә вердији мәхфи һесабатларын дәрҹи вә мәхфилик принсипинин ваҹиблији илә бағлы Гросси дејиб: "Бәзи үзвләр бу мәхфилијә һөрмәт етмир вә бу, тәәссүф доғурур".
Бејнәлхалг Атом Енержиси Аҝентлијинин баш директору Иран рәсмиләри илә мәсләһәтләшмәләр апармаг үчүн бу ҝүн сәһәр Теһрана ҝәлиб.
342/
6 mart 2022 - 05:25
Xəbər kodu: 1236346
Иранын Атом Енержиси Тәшкилатынын рәһбәри вурғулајыб: "Сијаси тәсир вә лоббичилик МАГАТЕ гәрарларына тәсир етмәмәлидир".
