АБНА24 Хәбәр Верир ,Украјна Азәрбајҹанлылары Радасынын Лвов вилајәти үзрә сәдр мүавини Маһмуд Гурбанов бу барәдә билдириб ки, Харковда ресторан саһиби олан Емин адлы шәхс, онун ханымы вә ики өвлады һәлак олуб.
“Һазырда онларын еви олан әрази русларын нәзарәтиндәдир. Она ҝөрә дә мејитләрин әразидән чыхарылмасында проблем јараныб. Харковда јашајан азәрбајҹанлылар бу мәсәлә илә мәшғулдур”, - Маһмуд Гурбанов вурғулајыб.
Дүнән дә Украјнанын Николајев шәһәринин атәшә тутулмасы нәтиҹәсиндә бир азәрбајҹанлы һәлак олмушду.
Һәмчинин даһа өнҹә дә Украјнадан чыхаркән бир автомобилин атәшә тутулмасы нәтиҹәсиндә 3 азәрбајҹанлы һәлак олмуш 4-у јараланмышды. Јаралананлардан бири сонра һәјатыны итирди.
Харков шәһәриндә дә 1 азәрбајҹанлы күчәдә ҝүллә јарасы алараг һәлак олмушдур.
Беләликлә Украјна мүһарибәси башланандан бәри тәхминән 10 азәрбајҹанлы һәлак олуб.
Азәрбајҹанлыларын Украјнадан тәхлијјә едилмәси барәдә Азәрбајҹан һөкумәти кәскин тәнгидләрин һәдәфиндәдир. Сосиал шәбәкәләрдә јајылан видеоларда Украјнадакы азәрбајҹанлылар рәсми Бакыдан јардым тәләб едирләр. Бәзиләри Азәрбајан һөкумәтини Украјнадакы азәрбајҹанлыларын талејинә биҝанә јанашмагда иттиһамландырырлар.
Рәсми Бакы исә бу истигамәтдә әлиндән ҝәләни етдијини билдирир.
342/
6 mart 2022 - 05:22
Xəbər kodu: 1236342
Дүнән ахшам саатларында Харковун ракет атәшинә тутулмасы заманы 4 азәрбајҹанлы һәлак олуб.
