АБНА24 Хәбәр Верир , Пакистандакы информасија мәнбәләри билдирибләр ки, бу интиһар характерли партлајышда азы отуз намазгылан шәһид олуб, әлли нәфәр дә јараланыбдыр.
Бу мәнбәләр әлавә едибләр ки, һәмин һадисәдә бир интиһар амили тәһллүкәсизлик гүввәләрилә силаһлы тоггушмадан сонра шиәләрин һүсејнијјәси вә мәсҹидинин әразиләринә дахил олуб вә ҹүмә намазы гылынаркән өзүнү партладыбдыр.
Пакистанын баш назири Имран хан вә бу өлкәнин диҝәр рәсмиләри, о сырадан “Хејбәр Пәхтунха” вә Пәнҹаб әјаләтләринин баш назирләри бу террор һүҹумуну кәскин тәрздә писләјиб вә јаралылара тәҹили јардымларын ҝөстәрилмәсини истәјибләр.
Бәдән хәсарәтләри аланлардан бир групунун вәзијјәтинин ағыр олдуғуну билдирән информасија гајнаглары партлајышын тәләфатынын артмасы еһтималындан хәбәр верибләр.
Иран Хариҹи Ишләр Назирлијинин мәтбуат катиби Сәид Хәтибзадә бу террор һүҹумунда мәгсәди, мүсәлманлар арасында тәфригә салмаг адландырыб вә ону писләјибдир.
Бу намәрдҹәсинә һүҹумда өләнләрин аиләләринә башсағлығы вериб, јаралыларын тез бир заманда сағалмаларыны арзу едән Хәтибзадә үмидварлыг едибдир ки, Пакистанын һөкумәти вә тәһлүкәсизлик рәсмиләри лазыми өлчүләр ҝөтүрүб, гәтијјәтли аддымлар атмагла террористләрин ҹинајәткарҹасына фәалијјәтләринин гаршысыны алаҹаглар.
342/
5 mart 2022 - 05:08
Xəbər kodu: 1235966
Пакистанын Пишавәр шәһәриндә јерләшән шиә мәсҹидиндә баш верән террор партлајышы нәтиҹәсиндә сәксән нәфәрдән чох инсан шәһид олуб вә јараланыбдыр.
