АБНА24 Хәбәр Верир ,Фәләстинин ишғал олунмуш әразиләринә сәфәр едән АБШ сенатору Линдсеј Ҝраһам сионист режим медиаларына вердији мүсаһибәдә бу режимин рәсмиләрини Иранын нүвә алимләринә гаршы даһа чох суи-гәсдләр һәјата кечирмәјә тәшвиг етмишди.
Иранын БМТ-дәки даими нүмајәндәлијинин мәктубунда дејилир: "Бу ҹүр ијрәнҹ, нифрәтли вә гынаг доғуран ифадәләр Исраил режиминин Иранын нүвә алимләринә гаршы даһа чох террор актлары һәјата кечирмәси үчүн јашыл ишыг кими чыхыш едир вә бу, АБШ-ын бејнәлхалг өһдәликләрини, хүсусән дә өлкәләри террор актларына тәһрик етмәји гадаған едән гәтнамәләри ачыг шәкилдә поздуғуну ҝөстәрир".
Мәктубда әлавә олунуб: Исраил режиминин Иранын динҹ нүвә фәалијјәтләринә гаршы тәхрибат әмәлијјатларындакы узун кечмиши, о ҹүмләдән сон илләрдә бир нечә иранлы нүвә алиминин горхагҹасына террор едилмәси, һәмчинин Стухент зәрәрли програм тәминатындан истифадә етмәклә Иранын нүвә објектләринә гаршы бирҝә АБШ-Исраил кибер әмәлијјатлары нәзәрә алынмагла, үмумиликдә бејнәлхалг иҹтимаијјәт вә хүсусилә Тәһлүкәсизлик Шурасы бу ҹүр тәхрибат характерли һәрәкәтләри вә реҝионда сабитлији позан террор актларына тәшвиг етмәји гәти шәкилдә писләмәлидир.
Мәктубун давамында дејилир: "Иран Ислам Республикасы Исраил режиминин авантүрасы вә онун бөлҝәдә сүлһ вә әмин-аманлыг үчүн нәтиҹәләри барәдә хәбәрдарлыг едәрәк, бу ҹүр һәрәкәтләрә ҹаваб вермәк үчүн бејнәлхалг һүгуга ујғун олараг бүтүн лазыми тәдбирләри ҝөрмәк һүгугуну өзүндә сахлајыр".
342/
3 mart 2022 - 05:42
Xəbər kodu: 1235310
Иранын БМТ-дәки даими нүмајәндәлији бу тәшкилатын Тәһлүкәсизлик Шурасына бир мәктуб үнванлајараг, америкали сенаторун мәнфур вә ијрәнҹ ачыгламаларына етираз едиб.
