Бајден: "Америка гошунлары Украјнада дөјүшмәјәҹәк"

АБНА24 Хәбәр Верир ,АБШ Конгресиндә чыхыш едән президент Ҹо Бајден дејиб ки, Путин алты ҝүн әввәл азад дүнјанын тәмәлләрини сарсытмаға гәрар вериб. Амма о, ағлына белә ҝәтирә билмәдији дивара чырпылды. Сөһбәт Украјна халгындан ҝедир.

Бајден чыхышы заманы Русија президенти Владимир Путинин дүнјадан тәҹрид олунмағындан вә диҝәр мәгамлардан данышыб:

“Бәли, биз АБШ Украјна халгы илә јан-јана дајанырыг. Биз тарихин дәрсләрини билирик: диктатор дајандырылмаса, о, даһа ирәли ҝедир", - Бајден гејд едиб.

О, Украјнаја һүҹумун әсассыз олдуғуну вурғулајыб вә дејиб: “Биз мүттәфигләримизлә бирликдә ҝүҹлү игтисади санксијалара әл атырыг, бу, Путинин һәрби фондуну тамамилә мәнасыз едир. Мән бу ҝүн Путинә вә бу режим нәтиҹәсиндә милјардларла доллар оғурлајан рус олигархларына дејирәм - биз буна сон гојуруг. Онларын лүкс суитләри, јахталары, тәјјарәләри вә һесабларына һәбс гојаҹағыг. Бу ҝүндән етибарән Русијадан бүтүн учушлары дајандырырыг. Вә буна ҝөрә јалныз Путин мәсулијјәт дашыјыр”.

О әлавә едиб ки, Америка гошунлары Украјнада дөјүшмәјәҹәк, лакин АБШ әлиндә олан һәр васитә илә НАТО әразисинин һәр гарышыны мүдафиә едәҹәк.

АБШ дөвләт башчысы чыхышынын давамында гаршыдакы ҝүнләрин украјналылар үчүн чәтин олаҹағыны да етираф едиб. О билдириб ки, Путин ирәли ҝедәҹәк, лакин Украјна халгы өз азадлығындан вә 30 иллик мүстәгиллијиндән әл чәкмәјәҹәк. Путин өз танклары илә Кијеви мүһасирәјә алса да, о, Украјна халгынын гәлбинә вә руһуна, азадлыг ешгинә галиб ҝәлә билмәз. О, һеч вахт азад дүнјанын гәтијјәтини сарсытмагла уғур газана билмәјәҹәк.

Гејд едәк ки, АБШ президенти Русијаны мүһарибәјә тәһрик етдијинә ҝөрә мәсулијјәти үзәринә ҝөтүрмәкдән чәкиниб вә Гәрб блокунун провакасијаларына, о ҹүмләдән дә НАТО-нун шәргә доғру ирәлиләмәси ҹәһдләринә ишарә етмәјиб. Һесаб едилир ки, Украјнада дәһшәтли вәзијјәтин башлыҹа сәбәбкары НАТО вә АБШ рәһбәрлијидир. Мәһз онларын мүдахиләси нәтиҹәсиндә бөлҝәдә мүрәккәб вәзијјәт јараныбдыр.

342/