Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, бу ҝүн 1 Март 2022 тарихә тәсадүф едән Бөјүк Мәбәс Бајрамы мүнасибәти илә Үмүмдүнја Мүсәлманларын Али Лидери һәзрәт Ајәтуллаһ Рәһбәр Сејјид Әли Хаменеи Ислам Үммәти вә дүнја азадәләри үчүн етдији ҹанлы чыхышында Укранија бөһранына да ајдынлыг ҝәтириб.
Имам Хаменеи һәзрәтләринин Укранија бөһраны илә бағлы чыхышынын тәрҹүмәсини сајтымызын зијарәтчиләринә тәгдим едирик:
УКРАЈНА БӨҺРАНЫ
АБШ бөһранлар јарадан вә Америка дахилиндәки шәбәкәләрин васитәсилә дүнјада јаратдығы бөһранларла ајагда галан бир режимдир.
Америка бир мафија режимидир; Сијаси, игтисади, силаһ вә мүхтәлиф нөв мафијалар тәрәфиндән бу өлкәнин сијасәти тәјин едилир вә идарә олунур.
Америка чеврилишләрлә өлкәләрдә һакимијјәтләри дәјишир, президентләр тәјин едир вә бу мафијаларын мәнафеләрини тәмин етмәк үчүн мүхтәлиф өлкәләрдә бөһранлар јарадыр. Украјна да бу чиркин сијасәтин гурбаныдыр. Украјна һадисәләринин сәбәби вә Украјнаны бу вәзијјәтә ҝәтириб чыхаран Америкадыр.
Америка бу өлкәнин дахили ишләринә гарышды, тәшкилатлар јаратды, рәнҝли ингилаблар тәшкил етди, сенаторларын әли илә чеврилиш етди. Тәбии ки, онларын бу аддымларынын нәтиҹәси һазыркы вәзијјәт олмалыдыр.
Тәбии ки, биз дүнјанын һарасында олурса-олсун мүһарибәнин, иғтишашларын, инсанларын өлдүрүлмәсинин, халгларын инфраструктурларынын мәһв едилмәсинин әлејһинәјик вә бу бизим дәјишмәз принсипимиздир.
Биз Украјнада мүһарибәнин дајанмасынын тәрәфдарыјыг. Амма һәр бир бөһранын һәлли үчүн мүтләг шәкилдә бу бөһранын сәбәбләри мүәјјән едилмәлидир. Украјна бөһранынын көкүндә Америка вә Гәрбин сијасәтләри дајаныр. Бу бөһранын көкү ајдынлашдырылмалы, бу принсиплә фикир билдирилмәли вә һөкм верилмәлидир.
01/03/2022
Диггәт: Хәбәрдән Истифадә Етдикдә Мәнбәјә Истинад Лазымдыр!
