АБНА24 Хәбәр Верир , бәјанатда дејилир:
"Артыг ҝүнләрдир ки, сијаси дүшүнҹәләрин тоггушдуғу мәканда ушаг-гоҹа демәдән динҹ әһали өлдүрүлүр, евләр дағыдылыр, шәһәрләр һәрби тәҹавүзүн ағыр пәнҹәси алтында әзилир. Сәбәбләрин мүхтәлифлији фонунда бир һәгигәт өз варлығыны горујур: Һеч бир өлкәнин әразиси еһтимал вә ја саир сәбәбләр үзәриндән һүҹума мәруз гала билмәз. Һеч бир өлкә диҝәр торпарлары өзүнә тәһлүкә ады илә әзә, динҹ әһалинин гәтлини һәјата кечирә билмәз.
Бәјанатда гејд олунур ки, әразисинин аз гала һәр бир нөгтәси вурулан Украјна вә онун халгынын јашадығы бу мәшәггәт инсанлыг виҹданында бир халгын мәруз галдығы зүлм вә ситәмдир. Һәр бир өлкәнин әрази бүтөвлүјү, һәр бир халгын азад вә раһат јашамаг һаггы вар. Бу һаггы ондан һеч кәс өз әразисинә тәһлүкә ады илә ала вә бу торпаглара һүҹум едә билмәз. Бу, тәкҹә Украјнаны ган чанағына дөндәрән Русијаја аид дејил, Фәләстин башда олмагла нечә-нечә мүсәлман өлкәсини өзүнә тәһлүкә биләрәк торпагларына һүҹум едән Исраил сионизминә, Јәмәнин суверенлијинә тәһдид олараг Сәдујјә коалисијасына, Ираг әразисинә сохулан Америка гүввәләринә вә нәһајәт Азәрбајҹана гаршы вандаллыг төрәтмиш Ермәнистан кими гәсбкар вә ганичән дөвләтләрин аддымларына һеч заман һагг газандырылмајаҹаг садә һәгигәтдир.
Мүсәлман Бирлији Һәрәкаты өз бәјанатынын сонунда билдирир: "Биз, тәҹавүзә мәруз галмыш Украјна халгынын, торпагларынын бир һиссәси һәлә дә ишғалда галан бир халг кими һүгугларыны таныјыр вә онларын бу әразиләрдә һеч бир тәһлүкә һисс етмәдән раһат јашама һаггыны дәстәкләјирик. Гәсбкар Русија сијасәтини кәскин писләјир вә буна сејрчи олан инсан һүгуг инситутларынын фәалијјәтсиз аддымларыны кәскин тәнгид едирик."
342/
1 mart 2022 - 08:31
Xəbər kodu: 1234604
Азәрбајҹан Республикасында Мүсәлман Бирлији Һәрәкаты Украјнаја гаршы һүҹумлар барәдә бәјанат јајараг Русијаны гынајыб.
