АБНА24 Хәбәр Верир , Иранын хариҹи ишләр назири Һүсејн Әмир-Абдоллаһиан ҹүмә ҝүнү Русијанын хариҹи ишләр назири Серҝеј Лавровла телефон данышығында Ирана гаршы санксијаларын ләғви илә бағлы Вјанада апарылан данышыглара вә бу данышыгларын сон дурумуна тохунараг, дејиб: "Биз данышыгларда гырмызы хәтләримиздән ҝери чәкилмәјәҹәјик".
Украјнада баш верән просесләрә вә Иран вәтәндашларынын бу өлкәдә мөвҹудлуғуна диггәт чәкән Әмир Абдуллаһијан бу бөһранын сијаси јолларла һәллини арзулајараг, билдириб ки, Украјнада јашајан Иран вәтәндашларынын тәһлүкәсизлијини вә сағламлығыны тәмин етмәк Теһранын ҹидди приоритетидир.
Әмир Абдуллаһијан сөһбәтләринин диҝәр бир һиссәсиндә Јәмән бөһранына да тохунуб. О, Тәһлүкәсизлик Шурасында Әнсаруллаһ Һәрәкатына гаршы гәтнамә лајиһәсинин дәрҹ олунмасыны вә бу һәрәкатын террорчу адландырылмасыны јанлыш вә дағыдыҹы адландырыб.
Русијанын хариҹи ишләр назири Лавров да Иран вә Русија әмәкдашлығыны вурғулајараг, дејиб: "Биз Вјанада Иранын мөвгејини һәмишә дәстәкләмишик вә Вјанада иранлы достларымызла јахшы әмәкдашлығымыз вар вә бу әмәкдашлығы давам етдирәҹәјик".
Москванын Украјна бөһраны илә бағлы мөвгејини ачыглајан Лавров Гәрб өлкәләринин јанашмасыны тәнгид едиб вә әмин едиб ки, Русија Иран да дахил олмагла хариҹи вәтәндашларын һәјатыны горумаг үчүн ҹидди сәјләр ҝөстәрир.
342/
27 fevral 2022 - 04:44
Xəbər kodu: 1233866
Иранын хариҹи ишләр назири Вјана данышыгларында Иран Ислам Республикасынын һеч вахт гырмызы хәтләрини кечмәјәҹәјини сөјләјиб.
