АБНА24 Хәбәр Верир , АХҸП Украјна халгыны вә дөвләтини онун һагглы мөвгејини вә дүнја тәрәфиндән танынан әрази бүтөвлүјүнү дәстәкләјиб вә билдириб ки, бу саваш Русија тәрәфиндән һеч нә илә пәрдәләнмәјән тәҹавүзкар һәрәкәтдир вә истиснасыз олараг һамы тәрәфиндән писләнилмәлидир.
Мүсават Партијасынын сәдри Ариф Һаҹылы да дејиб: "Русија тәрәфиндән башладылмыш ишғалчы мүһарибә 1945- ҹи илдән сонра дүнја мигјасында ән бөјүк, дағыдыҹы мүһарибә олаҹаг. Истәр Русија, истәрсә дә Украјна бөјүк, јеринин долдурулмасы мүмкүн олмајан иткиләр верәҹәк. Бүтүн дүнјада иткиләрә, бөһрана сәбәб олаҹаг бу мүһарибәдә ән чох итирән Русија олаҹаг. Чүнки, Русија јалныз Украјнаја гаршы јох АБШ-а, Авропа Иттифагына, бүтүн мүтәрәгги дүнјаја гаршы мүһарибәјә башлајыб".
Азәрбајҹан бу мүһарибәдә бирмәналы шәкилдә һаггын, әдаләтин, өз өлкәсинин әрази бүтөвлүјү уғрунда вурушан Украјнанын тәрәфиндә олмалыдыр, дејә о, әлавә едиб.
РЕАЛ Партијасынын сәдри Илгар Мәммәдов дә дејиб ки, Русија Ордусунун Украјна әразисинә дахил оламсы бејнәлхалг һүгугун позулмасыдыр.
"О да ҝөрүнүр ки, һазырда бејнәлхалг һүгуг вә бејнәлхалг әмәл Украјнаны горумаг имканында дејил. Русија гаршы Америка вә Авропа Иттифагы тәрәфиндән гоулан санксијалар вар. Һесаб едирәм ки, бу санксијаларын ардынҹа Русијанын Авропа Шурасында үзвлүјүнүн дондурулмасы ҝәлмәлидир", дејә Мәммәдов билдириб.
Хатырладаг ки, ҝенишмигјаслы мүһарибә башламасына бахмајараг, Азәрбајҹан ХИН вә өлкә рәһбәрлији һәр һансы гијмәтләндирмә вә ја бәјанатла чыхыш етмәјиб.
342/
25 fevral 2022 - 09:45
Xəbər kodu: 1233178
Украјна мүһарибәси Азәрбајҹанда да диггәт мәркәзиндәдир, һөкумәт мөвге билдирми, мүхалифәт исә Русијаны гынајыр.
