АБНА24 Хәбәр Верир , "ИРНА"нын мәлуматына ҝөрә, Чәршәнбә ахшамы Гәтәрин пајтахты Доһада Газ Ихраҹ Едән Өлкәләр Форумунун ВЫ Саммити чәрчивәсиндә Иран, Русија вә Азәрбајҹанын енерҝетика назирләри Әли Әкбәр Меһрабиан, Николај Шулгинов вә Пәрвиз Шаһбазов арасында тарихи ҝөрүш кечирилиб.
Бу сәмими ҝөрүшдә, һәр үч енерҝетика назири електрик енержиси саһәсиндә реҝионал әмәкдашлығын инкишаф етдирилмәсинин ваҹиблијини вә бунун реҝионун енержи тәһлүкәсизлијинә вә енержи игтисадијјатына әһәмијјәтли тәсирини вурғулајыблар.
Онлар Иран, Азәрбајҹан вә Русијанын електрик шәбәкәсинин синхронлашдырылмасы вә гошулмасы лајиһәсини нәзәрдән кечириб, арашдырма мәрһәләләринин тез бир заманда баша чатдырылмасы вә һәјата кечирилмәсинин вә сонрадан истифадәјә верилмәсинин ваҹиблијини вурғулајыблар.
Иран Ислам Республикасынын енерҝетика назири Әли Әкбәр Меһрабиан Енерҝетика Назирлијинин лајиһәни дәстәкләмәјә вә һәјата кечирмәјә һазыр олдуғуну билдириб. Онун сөзләринә ҝөрә, Иран електрик енержисинин истеһсалы, өтүрүлмәси вә пајланмасы имканлары саһәсиндә реҝионда ән ҝүҹлү дөвләтләрдән бири олараг, еләҹә дә кәнд вә шәһәрләрә електрик енержиси тәҹһизаты үзрә мүкәммәл бејнәлхалг ҝөстәриҹиләр малик олан бир өлкә кими бу лајиһәни өз приоритетләриндән һесаб едир. О вурғулајыб ки, Иран бу лајиһәни тәкҹә гоншу өлкәләрлә дејил, һәм дә реҝион өлкәләри, хүсусән дә Русија илә електрик енержиси мүбадиләсинин ҝенишләндирилмәси үчүн ваҹиб һесаб едир.
Русијанын енерҝетика назири Николај Шулгинов да бу мәсәләнин әһәмијјәтини вурғулајараг, лајиһәнин мәсләһәтчисини игтисади-техники вә еколожи арашдырмаларынын апарылмасында даһа дәгиг олмаға чағырылыб вә үч өлкәнин електрик шәбәкәләринин әлагәләндирилмәсинин һәјата кечирилмәси үчүн бу арашдырма просесинин дәгиглијинин вә сүрәтләндирилмәсинин ваҹиблији гејд едиб.
Азәрбајҹанын енерҝетика назири Пәрвиз Шаһбазов да лајиһәјә һәртәрәфли дәстәји вурғулајараг, Азәрбајҹанын лајиһәнин оптимал шәкилдә һәјата кечирилмәси үчүн мүвафиг објектләрә инвестисија гојмаға һазыр олдуғуну билдириб.
О, һәмчинин гејд едиб ки, һазыркы лајиһә үч өлкәнин електрик шәбәкәләринин етибарлылығыны артырмагла јанашы, узунмүддәтли перспективдә реҝионун енержи тәһлүкәсизлији үчүн дә мүһүм әһәмијјәт кәсб едир.
Үч назир лајиһәнин тәдгигатларынын нәтиҹәләрини нәзәрдән кечирмәк үчүн ҝәлән һәфтә кечириләҹәк иҹласда иштирак етмәјә там һазыр олаҹагларыны вурғулајыблар.
Гоншулар, һәмчинин реҝион өлкәләри вә дост өлкәләрлә әлагәләрин инкишафы Иран Ислам Республикасы президенти Сејид Ибраһим Рәиси һөкумәтинин хариҹи сијасәтинин әсас приоритетидир. Ҹоғрафи мөвгејинә ҝөрә Иранын гоншулуғунда 15 өлкә вар вә онун гоншулары вә реҝион өлкәләри илә әлагәләриндә бүтүн игтисади, тиҹарәт, сәнаје, мәдәни вә туризм имканларынын ишә салынмасы икитәрәфли вә чохтәрәфли мүнасибәтләрин инкишафына ҝәтириб чыхараҹаг вә бунун реаллашмасы реҝионал сүлһ вә тәһлүкәсизлијин хејринәдир.
342/
24 fevral 2022 - 06:30
Xəbər kodu: 1232851
Електрик енержисиндә реҝионун ән ҝүҹлү өлкәләри олан Иран, Русија вә Азәрбајҹанын енержи назирләри енержи секторунда реҝионал әмәкдашлығын инкишаф етдирилмәсинин ваҹиблијини вурғулајыблар.
