АБНА24 Хәбәр Верир , Кремлин јајдығы мәлуматда дејилир ки, Илһам Әлијевин Москва сәфәриндә Владимир Путин вә Илһам Әлијев Мүттәфиглик әмәкдашлығы һаггында бәјаннамә имзалајаҹаглар.
"Февралын 22-дә Русија президенти Владимир Путин Азәрбајҹан президенти Илһам Әлијевлә данышыглар апараҹаг. Ҝөрүшдә икитәрәфли мүнасибәтләрин, о ҹүмләдән сијаси, игтисади вә һуманитар саһәләрдә ҝәләҹәк инкишафы илә бағлы бүтүн мәсәләләрин мүзакирәси планлашдырылыр”, - Кремлин һесабатында гејд едилир.
Бундан башга, Русија, Азәрбајҹан вә Ермәнистан лидерләри арасында Дағлыг Гарабаға даир 9 нојабр 2020-ҹи ил, 11 јанвар вә 26 нојабр 2021-ҹи ил тарихли сазишләрин, о ҹүмләдән Ҹәнуби Гафгазда игтисади вә нәглијјат әлагәләринин бәрпасы илә бағлы тәдбирләрин һәјата кечирилмәси тәмин едиләҹәк.
Билдирилир ки, данышыгларын јекунунда Русија илә Азәрбајҹан арасында Мүттәфиглик мүнасибәтләри һагда Бәјаннамә имзаланаҹаг. Сәнәд ики өлкә арасында мүнасибәтләри мүттәфиглик сәвијјәсинә чатдыраҹаг.
Ҝөрүшдә Русија Сүлһмәрамлыларынын Азәрбајҹан Республикасы әразисиндә ҹидди тәнгидләр вә етиразлара сәбәб олан фәалијјәтинин дә мүзакирә едиләҹәји барәдә һеч бир мәлумат јајылмајыб.
3
22 fevral 2022 - 04:46
Xəbər kodu: 1232143
Азәрбајҹан президенти Илһам Әлијев Русија Федерасијасынын президенти Владимир Путинин дәвәти илә февралын 21-дә Русија Федерасијасына рәсми сәфәрә ҝедиб.
