АБНА24 Хәбәр Верир , мүәллифи Елнур Мәммәдов олан јазыда билдирилир ки, Иран президенти Ҝилан вилајәтинә сон сәфәриндә өз стратеҝијасы ортаја гојараг Шимал-Ҹәнуб дәһлизинин бир һиссәси олан Рәшт-Астара дәмир јолунун Ирана әһәмијјәтли игтисади фајдалар ҝәтирәҹәјини вә гоншу өлкәләрлә әлагәләрин инкишафына көмәк едәҹәјини вурғулајыб.
“Һаггин.аз” һәмчинин Иран вә Азәрбајҹан Республикасы арасында нәглијјат вә транзит саһәсиндә әмәкдашлыға тохунараг јазыр: “Иранда Астара дәмир јолу терминалы үч илдән артыгдыр фәалијјәт ҝөстәрир вә тикинти ишләри баша чатдыгдан сонра там шәкилдә ишләјәҹәк. Ејни заманда Рәшт-Астара автомобил јолунун дөрд золаға чеврилмәси Бакы-Астара-Рәшт автомобил јолу васитәсилә ҝедиш-ҝәлиши әһәмијјәтли дәрәҹәдә артыраҹаг.
Мәгаләдә сонра Иран Ислам Республикасынын сәфири Сејид Аббас Мусәвинин Иран вә Азәрбајҹанын Шимал-Ҹәнуб нәглијјат дәһлизинин әсас маршруту үзәриндә олмасы вә Астара-Рәшт дәмир јолунун тикинтиси үчүн консорсиумун јарадыла биләҹәји барәдә сөзләринә истинад едилиб. Мусәви дејиб ки, әҝәр консорсиумун јарадылмасы мүмкүн олмаса, Иран дәмир јолуну тәкбашына тикәҹәк.
Һаггын.аз буну Иран рәһбәрлијинин ачыг месажы кими гијмәтләндирир.
Мүәллиф ону да гејд едир ки, Фарс Көрфәзи-Гара Дәниз нәглијјат маршрутунун истифадәјә верилмәси Иранла Азәрбајҹан Республикасы арасында ән бөјүк нәглијјат лајиһәсидир вә өтән илин декабрындан бу дәһлиз васитәсилә јүкләрин сынаг трансфери һәјата кечди вә ҝәләҹәк ајларда сынаг јүкләри Ирандан Азәрбајҹана, орадан исә Ҝүрҹүстан лиманлары васитәсилә Шәрги Авропа өлкәләринә дашынаҹаг.
Мәгаләнин сонунда дејилир: Бу ҝүн Бакы вә Теһранын нәзәрдән кечирдији ән мүһүм мәсәләләрдән бири транзитдир. Азәрбајҹан вә Иранын әлверишли ҹоғрафи мөвгеји ики өлкәјә бу саһәдә сых вә фајдалы әлагәләр гурмаға имкан верир. Һәр ики тәрәф игтисади әмәкдашлыгдан максимум јарарланмаг әзминдәдир.
342/
20 fevral 2022 - 08:44
Xəbər kodu: 1231399
Һаггын.аз портал президент Рәисинин Азәрбајҹанла бағлы јени әмәкдашлыг стратеҝијасыны шәрһ едиб.
