АБНА24 Хәбәр Верир , Гәрбдә һесаб едирләр ки, Русијанын Украјнаја гаршы иримигјаслы һәрби мүдахилә планы әввәлҹәдән һазырланмыш ссенари үзрә ишә дүшүб вә ҝөзләнилдији кими, просес Донбассда вәзијјәтин сүни шәкилдә, сепаратчылар тәрәфиндән ҝәрҝинләшдирилмәси илә башлајыб.
АБШ-ын мүдафиә назири Ллојд Остин бу һагда Русијанын Украјна сәрһәдләринә “уғурлу ишғал” үчүн лазым олан гүввә вә васитәләрин бирләшмәсини јерләшдирдијини билдириб. О, белә бир перспективи “блеф” һесаб етмәдијини ачыглајыб.
Дөвләт катиби исә мәтбуата мүсаһибәсиндә Русијанын Украјнаја гаршы агрессив аддымлар атаҹағы тәгдирдә АБШ-ын она ҹаваб вермәјә һазыр олдуғуну бәјан едиб.
"Вәзијјәти һәлл етмәк үчүн дипломатик јол тапмаг шансы оларса, буну етмәкдә гәрарлыјыг, лакин Русија тәҹавүз едәрсә, ҹаваб вермәли олаҹағыг", - Блинкен билдириб.
АБШ дөвләт катиби Русија илә Украјна арасында мүһарибәнин фәлакәт олаҹағына да диггәт чәкиб.
Инҝилтәрәнин баш назири Борис Ҹонсон исә ББҸ-јә ачыгламасында хәбәрдарлыг едиб ки, Украјна әтрафындакы вәзијјәт Авропада 1945-ҹи илдән бәри ән бөјүк мүһарибәјә сәбәб ола биләр.
Онун сөзләринә ҝөрә, инди рус гошунларынын Украјнаны ишғал етмәси еһтималы јүксәкдир.
Бу арада Русија да нөвбәти дәфә НАТО-нун һәрәкәтләрини сәрт шәкилдә тәнгид едиб.
Русијанын БМТ-дәки даими нүмајәндәсинин биринҹи мүавини Дмитри Полјански дејиб: “Гәрб өлкәләри НАТО-нун шәргә доғру ҝенишләндирмәмәк вәдини поздугдан сонра Русијаны анҹаг дәмир, тәһлүкәсизлик зәманәтләри гане едә биләр.”
Дипломатын фикринҹә, Гәрб лидерләринин бу ҹүр вәдләри позмасы сәһв иди.
342/
20 fevral 2022 - 08:40
Xəbər kodu: 1231394
Гәрб илә Русија арасында гаршылыглы иттиһамлар сәнҝимәк билмир.
