АБНА24 Хәбәр Верир , Аксијада Әфганыстанын пулларынын азад едилмәсини тәләб едән Һәрат әһалиси «Бајден утан вә бизим пуллары бурах!» шүары вериб.
Аксијанын тәшкилатчысы Имануллаһ Јармәл Америкада он бир сентјабр һадисәси гурбанларына ҝөрә компенсасијанын өдәнилмәсинә гаршы чыхыб.
Әфганыстанын АБШ һәрбчиләри тәрәфиндән ијирми ил мүддәтинә гәсб едилмәсинә тохунан Јармәл вурғулајыб ки, әслиндә Америка өтән ијирми илдәки һәрби ҹинајәтләринә ҝөрә, Әфганыстан халгына компенсасија өдәмәлидир.
Америка 2021-ҹи ил августун он бешиндә вә Талибан гүввәләринин Кабилә ҝирмәләриндән дәрһал сонра Әфганыстан мәркәзи банкынын активләриндән доггуз там онда беш милјард доллары мүсадирә етди вә өтән һәфтә Ҹо Бајденин гәрары илә бу активләрдән үч там онда беш милајрд доллары он бир сентјабр һадисәси гурбанларынын хејринә мүсадирә олунду.
Бајденин бу гәрары Талибанын мүвәггәти һөкумәтинин кәскин реаксијасына сәбәб олду вә хәбәрдарлыг етди ки, әҝәр Америка өз гәрарындан ваз кечмәз вә тәһрикедиҹи һәрәкәтләрини давам етдирәрсә, бу груп Вашингтон гаршысындакы сијасәтини јенидән нәзәрдән кечирәҹәк.
Әфганыстан халгынын активләринин Америкада мүсадирә едилмәси фонунда гејд едәк ки, Әфганыстандакы игтисади бөһран бу өлкә халгындан милјон нәфәрин һәјатыны тәһлүкәјә салыб.
БМТ-нин ушаг фонду- ЈУНИСЕФ(УНЫҸЕФ)-ин доггуз феврал мәлуматына ҝөрә, Әфганыстан халгындан бир милјон нәфәр јохсуллуг вә гида маддәләри чатышмазлығы үзүндән өлүм тәһлүкәси гаршысындадыр.
342/
20 fevral 2022 - 08:37
Xəbər kodu: 1231388
Әфганыстанын Һәрат шәһәринин сакинләри бу өлкәнин мәркәзи банкынын активләринин АБШ президенти тәрәфиндән мүсадирә едилмәсинә етираз олараг аксија кечирибләр.
