АБНА24 Хәбәр Верир , Казым Гәрибабади әлавә едиб: Авропа Парламентинин башдан-ајаға јалан вә јајындырыҹы фикирләрә малик олан гәтнамәси Ирандакы реаллыгла ујушмур вә тамамилә сијаси мәгсәдләрлә ишләниб һазырланыбдыр.
Иран Мәһкәмә Һакимијјәти башчысынын бејнәлхалг мәсәләләр үзрә мүавини билдириб ки, едам ҹәзасы ганунлар әсасында әлли беш өлкәдә тәтбиг едилир. О, Авропа Парламенти вә Авропа өлкәләриндән истәјибдир ки, өлкәләрин ганунларына вә инсан һүгугларындакы мүхтәлифлијә һөрмәт етсинләр.
Гәрибабади билдириб ки, һәјатын алынмасы ҹәзасы вәтәндаш вә сијаси һүгуглар үзрә мүаһидәјә әсасән, ҹидди ҹинајәтләр үчүн јолвериләси сајылыб. О, Авропа стандартларынын башгаларына, һәтта мөвҹуд бејнәлхалг зәрурәтләрдән дә ҝениш сурәтдә гәбул етдирилмәсини тәнгид едиб вә ону өлкәләрин суверенлији илә тәзадлы адландырыб.
Иран Мәһкәмә Һакимијјәтинин Инсан Һүгуглары Гәрарҝаһынын катиби Авропа Парламенти нүмајәндәләринин террорчу мүнафигләр груплашмасыны мүдафиә етмәләри вә онлары сијаси мүхалифләр адландырмаларыны тәнгид едиб вә белә сөјләјиб: Әлләри он ики миндән чох ҝүнаһсыз иранлынын ганына бојанмыш, өз террор фәалијјәтләрини давам етдирмәкдә олан, азад шәкилдә Авропа өлкәләриндә ҝедиш-ҝәлиш едән вә Авропа Парламентинә дә әлчатанлығы олан бу груплашманын террорчу ҹинајәтләринә сијаси тамаһлара ҝөрә ҝөз јуман Авропа Парламентинин бәзи нүмајәндәләринә ар олсун!
342/
19 fevral 2022 - 09:25
Xəbər kodu: 1231067
Иран Мәһкәмә Һакимијјәти башчысынын бејнәлхалг мәсәләләр үзрә мүавини вә бу һакимијјәтин Инсан Һүгуглары Гәрарҝаһынын катиби Авропа Парламентинин Иранда һәјатын алынмасы ҹәзасы барәдәки гәтнамәсинә реаксијада дејиб ки, бу гәтнамә сијаси гәрәзләрә әсасланыр.
