АБНА24 Хәбәр Верир , Сејид Ибраһим Рәиси базар ертәси ҝүнү (14 феврал) Теһранда Ирландијанын хариҹи ишләр назири Сајмон Ковени илә ҝөрүшү заманы ики өлкәнин мүхтәлиф саһәләрдәки имканларына тохунараг, дејиб: "Иран вә Ирландијанын енержи, елм, технолоҝија, сәнаје вә кәнд тәсәррүфаты саһәләриндә тиҹарәт әлагәләри индики сәвијјәдән даһа јүксәк ола биләр".
Рәиси, һәмчинин Иранын јени дөврдә хариҹи сијасәтинин әсас приоритетинин халгларын мәнафејини горунмасы вә гаршылыглы һөрмәт олдуғуну билдириб вә әлавә едиб: "Вјана данышыгларында санксијаларын реал ләғвини вә Иран халгынын һүгугларына һөрмәт едилмәли олдуғуну вурғулајырыг".
Ирландијанын хариҹи ишләр назири Сајмон Ковени дә өлкәсинин Иран Ислам Республикасы илә әлагәләрин инкишафына бөјүк әһәмијјәт вердијини билдириб.
"Биз гаршылыглы мүнасибәтләрин сәвијјәсини јүксәлтмәји һәдәфләјирик вә бу контекстдә Теһранда сәфирлијимизи јенидән ачмагда гәрарлыјыг", - дејә о, гејд едиб.
Иран халгынын Вјана данышыгларына инамсызлығынын архасында АБШ-ын сәдагәтсизлијинин дајандығыны бәјан едән Ирландија рәсмиси билдириб ки, онун өлкәси нүвә сазишини ҹанландырмаг үчүн һазыркы данышыглар заманы Ирана лазыми зәманәтләрин верилмәли олдуғуна инаныр.
342/
15 fevral 2022 - 15:29
Xəbər kodu: 1229867
Иран Ислам Республикасы президенти дејиб: "Иран вә Ирландијанын мүхтәлиф тиҹарәт вә игтисади саһәләрдә әлагәләрин мөһкәмләндирилмәси вә сәвијјәсинин јүксәлдилмәси үчүн ҝениш имканлары вар вә бу имканлардан истифадә едилмәси ики өлкәнин инкишафы вә рифаһынын хејринәдир".
