АБНА24 Хәбәр Верир,Русија президентинин көмәкчиси Јури Ушаков журналистләрә мүсаһибәсиндә Русија вә АБШ президентләринин телефон сөһбәсинин 1 саатдан чох чәкдијини дејиб.
“Буҝүнкү сөһбәт АБШ рәсмиләринин Русијанын ҝуја Украјнаны ишғал етмәси илә бағлы ҝөрүнмәмиш истерија атмосфериндә кечди”,-дејә Ушаков бидириб.
Русија президентинин көмәкчиси билдириб ки, АБШ Президенти телефон данышығы заманы Русијаја гаршы санксијалары хатырладыб, лакин бу мәсәләјә хүсуси диггәт јетирилмәјиб.
Јури Ушаков Русија вә АБШ президентләри Владимир Путин вә Ҹо Бајден арасындакы сөһбәтин баланслашдырылмыш вә ишҝүзар характер дашыдығыны гејд едиб.
Ағ евин јајдығы мәлуматда исә дејилир ки, Бајден Путинлә телефонла Русија вә Украјна сәрһәдиндә ҝәрҝинлијин артмасыны мүзакирә едиб.
Мәлумата ҝөрә, Бајден Путинә билдирб ки, Украјна әтрафында ҝәрҝинлик јаранарса Русија АБШ вә онун мүттәфигләри илә үз-үзә галаҹаг.
"АБШ Украјна әтрафында истәнилән ссенаријә һазырдыр вә Русија илә дипломатик данышыглары һәдәфләјир",-дејә Ағ Евдән билдирилиб.
Русијанын хариҹи ишләр назири Серҝеј Лавров исә Америка Бирләшмиш Штатлары дөвләт катиби Ентони Блинкенлә телефон данышығы заманы Русијанын Украјнаја һүҹум етмәк нијјәтинин олмадығыны бир даһа бәјан едиб.
Бу барәдә "Реутерс" аҝентлији мәлумат јајыб.
“Лавров Блинкенлә телефон данышығы заманы Русијанын Украјнаја тәҹавүз етмәк нијјәтинин олмадығыны бир даһа бәјан едиб”, - дејә "Реутерс" хәбәр вериб.
“АБШ артыг ики ајдыр ки, Русијанын Украјнаны ишғал етмәси илә бағлы глобал тәхрибат кампанијасы һәјата кечирәрәк сағлам дүшүнҹәни вә Украјна халгыны әлә салыр”. Бу сөзләри исә Русија Хариҹи Ишләр Назирлијинин рәсми нүмајәндәси Марија Захарова Телеҝрам каналында билдириб.
Түркијәнин хариҹи ишләр назири Мөвлуд Чавушоғлу да гәрби Русијаја гаршы гәрәзли бәјанатларда иттиһам едиб: “Русијанын Украјнаја мүдахилә етмәјә ҹәһд етмәси дүзҝүн олмазды. Әҝәр белә бир вәзијјәт олмајаҹагса, гәрб өлкәләри Украјна илә бағлы чахнашма јарадан бәјанатларында диггәтли олмалыдырлар"-дејә Мөвлуд Чавушоғлу билдириб.
342/
13 fevral 2022 - 13:12
Xəbər kodu: 1229160
Гәрб дөвләтләри Русијанын јахын ҝүнләрдә Украјнаја һүҹум едәҹәјини билдирир Русија исә белә бир нијјәтдә олмадығыны вурғулајыр. Түркијәнин хариҹи ишләр назири дә гәрби гәрәзли бәјанатлардан чәкинмәјә чағырыб. Бу арада белә нәзәрә ҝәлир ки,Бајденлә Путинин телефон данышыглары нәтиҹәсиз олуб.
