Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Кәшмирдә Ҹаме Мәсҹидинин һинду һөкүмәти тәрәфиндән бағланмасы халгын етиразына бахмајараг давам едир. Һиндистан рәсмиләри бәзән бағланманын сәбәбинин коронавирусун јајылмасынын гаршысыны алмаг мәгсәди илә олдуғуну иддиа едирләр, лакин Мәсҹид ковид 19-дан әввәл бағланыб вә һәлә дә Кәшмирдә ковидлә бағлы һеч бир мәһдудијјәт јохдур.
Пресс ТВ-нин Кәшмирдәки мүхбири бу барәдә дејиб: "Әсрләр боју Шринагар шәһәриндәки Кәшмир Ҹаме Мәсҹиди әсасән мүсәлманларын јашадығы бу әразидә сијаси вә дини фәалијјәтләрин әсас мәканы олуб. Кәшмирин мүхтәлиф јерләриндән јүз минләрлә мүсәлман бу гәдим Мәсҹидә ҹүмә намазында иштирак етмәк үчүн ҝәлирди, лакин 600 иллик тарихи олан Мәсҹид, 2019-ҹу илин августунда Кәшмирин мухтаријјәтинин ләғвиндән сонра һинду дөвләти тәрәфиндән бағланыб.
Дин алими Әбдүл Бәсир белә дејиб: "Бура ибадәт јеридир. Нијә дини фәалијјәтимизи мәһдудлашдырырлар? Башга һеч бир јердә дини, сијаси вә иҹтимаи фәалијјәтләр мәһдудлашдырылмыр. Ковид 19, мәркәзи һөкумәт үчүн садәҹә бир бәһанәдир.”
Диггәт: Хәбәрдән Истифадә Етдикдә Мәнбәјә Истинад Лазымдыр!
