Әһли-Беjт (әлеjһимус сәлам) – Хәбәр Аҝентлиjи АБНА-нын вердиjи мәлумата әсасән, Тәхминән һәр ики инсандан бириндә jашадығы илләр әрзиндә хәрчәнҝин һәр һансы бир формасы инкишаф едир.
Бу барәдә Инҝилтәрәнин Милли Сәһиjjә Хидмәтинин експертләри билдирибләр.
Онларын сөзләринә ҝөрә, бүтүн хәрчәнҝ нөвләринин гаршысыны алмаг мүмкүн деjил, лакин риски азалтмағын сүбут едилмиш jоллары вар.
“Активлиjи сахламаг сағлам шәкилдә артыг килолары итирмәкдә вә jа чәкини сахламагда көмәк едә биләр. Бу исә 13 мүхтәлиф нөв хәрчәнҝ рискини азалдыр. Мәсәлән, чох идман едирсинизсә, бу, дөш хәрчәнҝи, jахуд бағырсаг хәрчәнҝинин гаршысыны алмаға көмәк едә биләр”, - деjә мүтәхәссисләр билдирибләр.
Даһа чох физики активлиjи даһа аз хәрчәнҝ риски илә әлагәләндирән сүбутлар мүшаһидә тәдгигатларындан әлдә едилиб. Бу заман инсанларын физики фәалиjjәтләри барәдә мәлуматлар өjрәнилиб, сонра исә һәмин адамлар узун илләр (хәрчәнҝ диагнозу үчүн) изләнилибләр.
Һәкимләр ону да геjд едибләр ки, ҝүн әрзиндә узун мүддәт отурмаг вә jа узанмаг сағламлыг үчүн зәрәрлидир.
“Һәтта идманла мәшғул олан инсанлар да ҝүнүн галан һиссәсиндә һәрәкәт етмәдән чох вахт кечирә билирләр. Анҹаг узун мүддәт отурма вә jа узанмағын хәрчәнҝә тутулма рискини артырыб-артмадығы һәлә аjдын деjил. Бу, һәлә арашдырылыр”, - деjә онлар әлавә едибләр.
Диггәт: Хәбәрдән Истифадә Етдикдә Мәнбәjә Истинад Лазымдыр!
