Әһли-Беjт (әлеjһимус сәлам) – Хәбәр Аҝентлиjи АБНА-нын вердиjи мәлумата әсасән, АБШ-ын Маjо Клиникасынын мүтәхәссисләри инсанын гараҹиjәриндә проблем олуб-олмадығыны мүәjjән етмәjә имкан верән метод барәдә данышыблар. Онларын фикринҹә, овуҹларын рәнҝинә диггәт етмәклә хәстәлиjи мүәjjәнләшдирмәк мүмкүндүр.
Онлар хәбәрдарлыг едибләр ки, бу ҝүн ән чох раст ҝәлинән гараҹиjәр хәстәликләриндән бири дә пиjләнмә илә бағлыдыр. Буна ҝөрә инсан өзүнү чох jорғун һисс едә биләр, бундан башга, гарынын jухары сағ тәрәфиндә хошаҝәлмәз нараһатлыг jараныр. Әҝәр лагеjид jанашылса бу, геjри-алкогол стеатоһепатитә ҝәтирәр, о да өз нөвбәсиндә гараҹиjәрин сиррозу илә нәтиҹәләнә биләр.
Һәкимләрин сөзләринә ҝөрә, бәзи һалларда хәстәнин гараҹиjәриндә һәjаты үчүн тәһлүкә jарадан проблемләр олдугда, овуҹларда (чох вахт онларын ашағы һиссәсиндә), баш бармағын алтында гырмызы ләкәләр ҝөрүнә биләр. Бура басдыгда гызарты бир мүддәт jох олур, сонра jенидән ҝөрүнүр.
Һәкимләр белә бир һәjәҹан чағырышы һалында тәҹили олараг һәкимә мүраҹиәт етмәjи исрарла төвсиjә едирләр, чүнки бу, гараҹиjәрин вәзиjjәтинин ҹидди писләшдиjини ҝөстәрә биләр.
Диггәт: Хәбәрдән Истифадә Етдикдә Мәнбәjә Истинад Лазымдыр!
