АБНА24 Хәбәр Верир, Калифорнија штатынын Сан-Хосе шәһәриндә бу јахынларда тикилмиш Хабад Еви синагогу 2021-ҹи ил декабрын 23-дә баш вермиш јанғын нәтиҹәсиндә тамамилә јарарсыз вәзијјәтә дүшүб. Азәрбајҹанын Лос-Анҹелесдәки баш консулу Нәсими Ағајев өз “Тwиттер” һесабындакы пајлашымында билдириб: “Өтән илин декабрында баш вермиш јанғын нәтиҹәсиндә Хабад Еви синагогунун дағылдығыны өјрәндим вә бу, мәни кәдәрләндирди. Азәрбајҹанын Лос-Анҹелесдәки Баш Консуллуғу синагогун бәрпасына вәсаит ајырыб. Инсанлары бу ҹүр сәјләри дәстәкләмәјә тәшвиг етмәк үчүн буну пајлашын. Синагогун тәнтәнәли ачылышыны сәбирсизликлә ҝөзләјирәм”, - дејә Нәсими Ағајев сосиал шәбәкә һесабында јазыб.
Гејд едәк ки, Азәрбајҹан гоншу Ҝүрҹүстанда фәалијјәт ҝөстәрән синагоглары да пулсуз газла тәмин едир!
Бакыдакы мөһтәшәм “Хабад-Ор-Авнер” тәһсил мәркәзи исә Азәрбајҹанын биринҹи ледиси Меһрибан Әлијеварәһбәрлик етдији Һејдәр Әлијев Фондунун дәстәји илә тикилиб. Онун ачылыш мәрасими 2010-ҹу илдә кечирилиб вә мәрасимдә Азәрбајҹан Президенти Илһам Әлијев дә иштирак едиб.
АБШ-да чыхан Жеwисһ Жоурнал нәшри Азәрбајҹан һөкумәтинин јәһудиләрә олан исти мүнасибәти барәдә јазыр: “Азәрбајҹанда јәһуди иҹмасына һәгигәтән уникал мүнасибәт вар. Бу ҝүн Губада јерләшән Гырмызы гәсәбә Исраил вә Нју-Јоркдан кәнарда јәһудиләрин компакт јашадығы ән бөјүк мәкандыр. Гырмызы гәсәбә һәгигәтән надир инҹидир.”
Азәрбајҹанын Лос-Анҹеләсдәки Баш Консуллуғунун Сан-Хоседәки Хабад синагогунун бәрпасына дәстәјиндән данышан Азәрбајҹан Ашкинази јәһудиләринин баш раввини Шнеор Сегал дејиб: “Азәрбајҹанын јәһуди халгына гаршы 2000 иллик исти, меһрибан мүнасибәтинин Калифорнијаја гәдәр јајылмасы мәндә дәрин тәәссүрат јарадыб”.
Мәсәләјә Сан-Хоседәки Хабад синагогунун раввини Мендел Вајнфелд дә мүнасибәт билдириб. О дејиб: “Јардымын биздә һансы руһ јүксәклијини јаратдығыны, бизи неҹә үмидләндирдијини ифадә етмәк чох чәтиндир. Бу бөјүк сәхавәт ҝөстәриҹисидир”.
Нәшр ону да јазыр ки, бу ҝүн Бакыдакы Хабад иҹмасы јени микванын тикинтиси илә мәшғулдур вә о, әлбәттә ки, Азәрбајҹан һөкумәтәтинин малијјә јардымы һесабына инша едилир. О, “Хабад-Ор-Авнер” тәһсил мәркәзинин малијјәләшмәсинә дә көмәк едир.
342/
5 fevral 2022 - 18:15
Xəbər kodu: 1226275
Азәрбајҹан Республикасы АБШ-да јәһудиләрин јанмыш синагогларынын бәрпасына јардым ҝөстәрир.
