Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, “Омикрон”у ев шәраитиндә мүалиҹә етмәк мүмкүндүрмү? Бу, нә гәдәр тәһлүкәлидир? Һансы рискләр јарана биләр?
Медиа.Аз-ын бу суалларыны Сәһијјә Назирлијинин мүтәхәссис-експерти, инфексионист Тәјјар Ејвазов ҹавабландырыб.
“Омикрон” штаммынын јаратдығы хәстәлијин ҝедиши “Делта” штаммы илә мүгајисәдә даһа јумшагдыр. Әксәр хәстәләрдә јолухуҹу просес јухары тәнәффүс јолларында локаллашдырылыр, надир һалларда ағҹијәр тохумасына тәсир ҝөстәрир. Бу сәбәбдән хәстәләр ади мөвсүми кәскин респиратор инфексијалар заманы олдуғу кими мүалиҹә едә билирләр”, - дејә инфексионист билдириб.
Онун сөзләринә ҝөрә, коронавирусун истәнилән штаммыны јүнҝүл кечирдикдә, ону ади кәскин респиратор вирус инфексијалары кими мүалиҹә етмәк олар. Бурада сөһбәт симптоматик мүалиҹәдән ҝедир.
“Вәтәндаш ПҸР тестинин мүсбәт нәтиҹәсини алдыгдан сонра евдә өзүнү тәҹрид етмәлидир. Хәстәлик боју мүмкүн гәдәр чох маје ичмәк лазымдыр. Јүксәк температур варса, гыздырмасалан дәрманлар гәбул етмәк төвсијә олунур. Өскүрәк вә боғаз ағрыныз варса, бал вә антисептиклә су ичә биләрсиниз. Өскүрәк әлејһинә дәрманлара ҝәлинҹә, онлары нисбәтән гыса мүддәтә гәбул етмәк олар”, - дејә һәким изаһ едиб.
Мүтәхәссис евдә мүалиҹә заманы һансы дәрманларын әкс ҝөстәришли олдуғу барәдә дә хәбәрдарлыг едиб. О, һеч бир һалда, һәким ресепти олмадан антибиотикләр, һормонал дәрманлар вә антикоагулјантларын гәбул едилмәмәсини хатырладыб.
Һәмчинин Т.Ејвазов һансы һалларда тәҹили олараг һәкимә мүраҹиәт етмәјин лазым олдуғуну да ајдынлашдырыб.
“Һеч бир дәрман васитәси илә кечмәјән јүксәк һәрарәтиниз варса, дөш гәфәсиндә ағрылар варса, әлавә олараг нәфәс дарлығы вә һава чатышмазлығы һисс едирсинизсә, дәриниз мави рәнҝә чеврилибсә, дәрһал һәкимә мүраҹиәт етмәли вә ја тәҹили јардыма мүраҹиәт етмәлисиниз. Әҝәр оксиҝен апаратыныз варса, о, тибб ишчиләри ҝәлмәмишдән әввәл сизә ганда оксиҝенин сәвијјәсини билдирәҹәк. Анҹаг јалныз мүтәхәссисләр сизин вәзијјәтинизи дүзҝүн тәһлил едә вә лазым ҝәләрсә, сизи хәстәханаја чатдыра биләрләр”, - дејә Азәрбајҹан Сәһијјә Назирлијинин експерти јекунлашдырыб.
Диггәт: Хәбәрдән Истифадә Етдикдә Мәнбәјә Истинад Лазымдыр!
