АБНА24 Хәбәр Верир, јанварын 31-и Азәрбајҹан Халг Ҹүмһуријјәтинин баниси олмуш Мәһәммәд Әмин Рәсулзадәнин доғум ҝүнүдүр. Ҝөркәмли дөвләт хадими олан Мәһәммәд Әмин Рәсулзадә 138 ил әввәл 1884-ҹү ил јанварын 31-дә Бакынын Новханы кәндиндә анадан олуб. Гејд едәк ки, сијасәтлә һәлә ҝәнҹ јашларындан марагланан Мәһәммәд Әмин Рәсулзадә илк сијаси тәшкилаты - "Мүсәлман ҝәнҹлик тәшкилатыны" 1902-ҹи илдә 18 јашында гуруб. 1917-ҹи илдә исә "Мүсават" партијасынын Бакыда кечирилән биринҹи гурултајында сәдр сечилиб. О, Азәрбајҹан Демократик Республикасынын јарадыҹыларындан биридир. Гыса өмүр сүрән бу дөвләт 1920-ҹи илин апрелиндә совет гошунларынын мүдахиләси илә сүгут едир.
Азәрбајҹан мүхалифәти бирмәналы олараг индики һакимијјәтин Рәсулзадә ирсинә "өҝеј вә гысганҹ мүнасибәт ҝөстәрмәси" барәдә фикирләр сәсләндирилир. Бунунла әлагәдар дејилир ки, Азәрбајҹанын үчүнҹү президенти Һејдәр Әлијевә диггәтин чох олдуғу һалда Мәммәд Әмин Рәсулзадәјә пајтахтын мәркәзиндә һәлә дә һејкәл гојулмајыб, бунунла јанашы онун адынын Азәрбајҹанын илк университетинин адындан чыхарылмасы, милли валјутанын үзәриндән шәклинин ҝөтүрүлмәси дә Рәсулзадәнин адыны "көлҝәдә гојма ҹәһди" кими гијмәтләндирирләр. Һакимијјәт исә бүтөвлүкдә бүтүн бу иддиалары рәдд едир вә дејир ки, Рәсулзадә илә "мүасир Азәрбајҹан дөвләтинин баниси" Һејдәр Әлијеви мүгајисә етмәк дүзҝүн дејил.
Марагләдыр ки, бу ҝүн сосиал шәбәкәләрдә јајылан видеоја әсасән, пајтахт Бакыда Азәрбајҹан Халг Ҹүмһуријјәтинин баниси Мәммәд Әмин Рәсулзадәнин портретини чәкән рәссамы полис шәһәрин мәркәзиндән говур.
342/
31 yanvar 2022 - 19:54
Xəbər kodu: 1224689
Азәрбајҹан һакимијјәти Халг Ҹүмһуријјәтинин баниси олмуш Мәһәммәд Әмин Рәсулзадәјә гысганҹ мүнасибәт сәрҝиләмәкдә иттиһам олунур.
