Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Инҝилтәрә һакимијјәти Естонијада НАТО-нун чохмилләтли баталјонунун тәркибиндә фәалијјәт ҝөстәрән һәрби континҝентини икигат артырыр.
Бу барәдә базар ҝүнү Инҝилтәрә хариҹи ишләр назири Лиз Трассын “Тһе Даилј Телеҝрапһ” гәзетиндә дәрҹ олунмуш мәгаләсиндә билдирилиб.
О, ејни заманда Авропада ҝәрҝинлији азалтмаг үчүн дипломатик вариантлардан истифадә етмәјә чағырыш едиб.
Гејд едәк ки, һазырда Инҝилтәрә Естонијадакы 1,2 мин нәфәрлик НАТО баталјонуна команданлыг едир ки, онлардан 900-ә јахыны краллығын субјектләридир. Јахын ҝүнләрдә республикада Инҝилтәрә һәрбчиләринин сајы 1,8 мин нәфәрә гәдәр артаҹаг. Бундан башга, 140 инҝилтәрәли һәрбчи һазырда АБШ-ын команданлығы алтында алјансын Полшадакы чохмилләтли баталјонунун тәркибиндәдир.
Хатырладаг ки, НАТО баталјонларынын Естонија вә Полшада, еләҹә дә Латвија вә Литвада јерләшдирилмәси барәдә гәрар тәшкилатын 2016-ҹы илдә Варшавада кечирилән саммитиндә гәбул едилиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
