АБНА24 Хәбәр Верир,еһтијатда олан полковник Шаир Рамалданов иддиа едиб ки, Русијанын реҝионда Азәрбајҹана гаршы мөвгеји сәмими дејил. Бу тәхрибатлары азад олунмуш әразиләрдә јерләшән Русија сүлһмәрамлы гүввәләрин мүәјјән бир фәалијјәти, јахуд фәалијјәтсизлији илә гијмәтләндирмәк олар.
О сонра дејиб: “Биз сәрһәдләрин делимитасија-демаркасија мәсәләсини һәлл етмәјәҹәјик, нә гәдәр ки, сүлһ мүгавиләси имзаланмајаҹаг, белә тәхрибатлар олаҹаг. Әҝәр садаладығым аддымлар мүһарибә баша чатандан сонракы 1 ил 3 ај әрзиндә дә атылмырса, демәк тәхрибатлар үчүн јер сахланылыр. Бу тәхрибатларда һәм Ермәнистанын ичәрисиндә олан мараглы гүввәләр вар, һәм хариҹдә.”
Һәрби експертин сөзләринә ҝөрә, Русија истәсә, ермәни тәрәфи Азәрбајҹан тәрәфә бир дәфә дә атәш ачмаз, бу, һамыја ајдындыр. Әҝәр атәш ачылырса, демәли, Русијада да бу мәсәләдә мараглы олан гүввәләр вар. Әҝәр бу ҝүн Русијанын дөвләт рәһбәрләри дилинә Ханкәнди сөзүнү ҝәтирмирсә вә бу шәһәри “Степанакерт” адландырырларса, һәмчинин диҝәр адларымызла ејни мөвгедән чыхыш едирләрсә, демәк, чох зиддијјәтли, һөрмәтсиз јанашма сәрҝиләмәклә дүзҝүн олмајан мөвге сәрҝиләјирләр. Русијада Гарабағла бағлы олан бүтүн хәритәләр, бүтүн мәлуматлар һәлә дә Азәрбајҹанын сәсләндирдији кими јох, ермәниләрин сәсләндирдији кими әкс олунур.
342/
30 yanvar 2022 - 13:33
Xəbər kodu: 1224232
Азәрбајҹанлы һәрби експерт мәһз русијалы сүлһмәрамлыларын јашыл ишығы сајәсиндә ермәниләрин тәхрибат төрәтдикләрини дејир.
