Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Ливан Һизбуллаһынын баш катибинин мүавини Шејх Наим Гасим, Һәзрәти Фатимә Зәһранын (с) мөвлуду вә Аналар Ҝүнү мүнасибәтилә тәшкил едилән мәрасимдә Ливандакы сон һадисәләри нәзәрдән кечирәрәк, Ливанда игтисади, малијјә вә сосиал вәзијјәтин писләшмәсини дөрд сәбәб кими ҝөстәрди:
“1-АБШ-ын Ливанын әдаләтсиз мүһасирәси, 2- ҝениш јајылмыш дахили коррупсија, 3- 30 ил әрзиндә јанлыш идарә олунан игтисади вә фискал сијасәтләр, 4- мәркәзи банкын рәһбәри Ријад Саламеһин малијјә мәсәләләриндә зәиф фәалијјәти.”
Һизбуллаһ рәсмиси АБШ-ын мүһасирәсинин јарылдығына ишарә едәрәк дејиб: “Аллаһын көмәклији илә АБШ-ын мүһасирәсинә Иран јанаҹағы илә мүгавимәт ҝөстәрә билдик. Бирләшмиш Штатлар бу планында тәслим олду; Чүнки о билир ки, бизим истифадә етдијимиз мүәјјән алтернативләримиз вар.”
Шејх Наим Гасим сөзүнә давам едәрәк дејиб: "Һәр кәсә сүбут олунуб ки, Ливаны мүһасирәјә алан АБШ-дыр вә әҝәр биз дүзҝүн һәрәкәт етсәк, АБШ мүһасирәсини давам етдирә билмәјәҹәк."
Диггәт: Хәбәрдән Истифадә Етдикдә Мәнбәјә Истинад Лазымдыр!
