"Чөрәјин гијмәтинин галхмасы гачылмаз иди"

АБНА24 Хәбәр Верир, Илһам Әлијев јанварын 12-дә јерли телевизија каналларына мүсаһибәсиндә дејиб: "Чөрәјин гијмәтинин галхмасы гачылмаз иди. Дүнјада тахылын, буғданын гијмәти кәскин артыб. Бизим әсас тәҹһизатчы Русија тәрәфидир. Она ҝөрә ки, ән уҹуз буғданы биз Русијадан алырыг. Орада һәм гијмәтләр, һәм дә ихраҹ рүсумлары артмышдыр вә артмагда давам едир. Тәбии ки, биз чөрәјин гијмәтини сүни шәкилдә әввәлки сәвијјәдә сахлаја билмәздик. Буну нәзәрә алараг вә ејни заманда, дөвләт органларынын тәнзимләјиҹи ролуну ҝүҹләндиририк ки, бурада сүни гијмәт артымы олмасын, мөһтәкирлик олмасын."

Азәрбајҹан дөвләт башчысы сонра ун вә чөрәјин баһалашмасынын гаршылығы олараг сосиал пакетин һәјата һәјата кечирилдијини гејд едиб. "Минимум әмәкһаггы 20 фаиз, минимум пенсија 20 фаиз, тәгаүдләр, сосиал мүавинәтләр артырылыб. Бүтөвлүкдә бу, бизә 1,5 милјард манат вәсаитә баша ҝәлди вә әһатә даирәси 2 милјон инсандан чохдур. Биз һесаб едирик ки, бу артан маашлар чөрәјин гијмәтинин галхмасынын тәзминаты кими гијмәтләндирилә биләр вә бу аддым биринҹи дәфә дејил атылыр. Биз мүнтәзәм олараг маашлары галдырырыг. Әҝәр мисал үчүн сон 10 илин тарихчәсинә нәзәр салсаг ҝөрәрик ки, минимум әмәкһаггы нә дәрәҹәдә артыб. Бу, бизи гане едир? Әлбәттә ки, јох. Анҹаг биз имкан дахилиндә бүтүн ишләри апармалыјыг. Инсанларын сосиал рифаһынын јахшылашдырылмасы үчүн комплекс тәдбирләр ҝөрүлүр. Маашларын вә тәгаүдләрин артырылмасы бунун бир һиссәсидир”, -дејә дөвләт башчысы вурғулајыб.

Хатырладаг ки, Антиинһисар вә Истеһлак Базарына Нәзарәт Дөвләт Хидмәти ун вә чөрәк гијмәтләринин дәјишдирилмәси барәдә билдириб ки, ҹари илдән дахили базарда саһибкарлыг субјектләри тәрәфиндән идхал әрзаглыг тахылдан истеһсал олунан унун гијмәти дүнја базарында олан әрзаглыг буғданын мөвҹуд гијмәтинә ујғунлашдырылыб.

Бу гәрар өлкһә әһалиси вә експертләр тәрәфиндән наразылыгла гаршыланыб. Билдирилир ки, мәишәт проблемләринин үст-үстә јығылдығы бир вахтда бу аддым атылмамалы вә субсидијаларын тәтбиги давам етмәли иди.

342/